TAASIR NEWS NETWORK- SYED M HASSAN –6 JUNE
سمستی پور:مورخہ06/جون (محمد خورشید عالم) ضلع مجسٹریٹ یوگیندر سنگھ نے کلکٹریٹ کانفرنس ہال میں محکمہ ریونیو اور لینڈ ریفارمز کے تحت بہار اسٹاف سلیکشن کمیشن سے منتخب امینوں کو تقرری نامہ تقسیم کیا۔ محکمہ ریونیو اینڈ لینڈ ریفارمز کی جانب سے ضلع کو 81 امینوں کی سفارشات دستیاب کرائی گئی تھیں جن میں سے 72 کے کاغذات کی تصدیق ہوگئی اور آج 69 امینو ں کے درمیان تقرری نامہ تقسیم کیے گئے۔ تقرری نامہ کی تقسیم کا ورک آرڈر ایڈیشنل کلکٹر اجے کمار تیواری نے انجام دیا۔ ڈسٹرکٹ آفیسر کی طرف سے موجود تمام نو تعینات امینوں کو ان کی پوسٹ اور اس سے متعلق کاموں کے بارے میں رہنمائی کی۔ انہیں ضلع کے گزٹیئر کے ساتھ ساتھ بہار سروس کوڈ اور ریونیو ڈیپارٹمنٹ کا سرکلر اور کمپنڈیم پڑھنے کا مشورہ دیا گیا ساتھ ہی زمین کی پیمائش کی جدید ترین تکنیک کے بارے میں معلومات حاصل کرنے کا مشورہ دیا گیا، تاکہ زمین کی پیمائش میں کوئی غلطی نہ ہو۔تمام نئے تعینات ہونے والے امینو ں سے توقع کی گئی کہ وہ شفاف طریقے سے کام کریں گے۔ اضلاع کو موصول ہونے والی 81امینوں کی مدد سے زمینوں کی پیمائش کا مسئلہ دور ہو جائے گا اور زمین کے تنازعات کے کیسز بھی جلد حل ہو جائیں گے۔ ان نئے تعینات ہونے والے امینوں کی تربیت 9 جون سے شروع ہوگی۔