مسلمانوں اور مراٹھا برادری کو ریزرویشن دینے کے لیے مودی حکومت کو قوانین میں تبدیلی کرنی چاہیے: نسیم خان

 ممبئی،6ستمبر(یواین آئی) مسلمانوں اور مراٹھا برادری کو ریزرویشن دینے کے لیے مرکز کی  مودی حکومت کو قوانین میں تبدیلی کرنی چاہیئے ،اس کا مطالبہ مہاراشٹر کانگریس کے کارگزار صدر اور سابق وزیر نسیم عارف خان نے کیا اور کہاکہ 2014  میں جب کانگریس-این سی پی کی حکومت تھی، تب  مراٹھا اور مسلم برادریوں کو ریزرویشن دینے کا تاریخی فیصلہ لیا گیا تھا۔

انہوں نے مزید کہاکہ  اس کے بعد اکتوبر 2014 میں حکمراں بی جے پی حکومت سے ریزرویشن جاری رکھنے کے بار بار مطالبات کے بعد تمام جماعتوں نے متفقہ طور پر قانون ساز اسمبلی میں ریزرویشن پر قانون سازی کی تجویز کی حمایت کی۔

سکھل مراٹھا سماج چندیولی نے آج مراٹھا برادری کے ریزرویشن کے لیے ساکیناکا میں 90 فٹ روڈ پینسولا ہوٹل کے سامنے ایک بڑا احتجاج کیا۔  تحریک کی حمایت کے لیے،  وزیر اور ریاستی کانگریس کے ورکنگ صدر مو عارف (نسیم) خان ذاتی طور پر وہاں پہنچے۔

 نامہ نگاروں سے بات کرتے ہوئے نسیم خان نے کہا کہ 2014 میں جب کانگریس-این سی پی کی حکومت تھی، مراٹھا اور مسلم برادریوں کو ریزرویشن دینے کا تاریخی فیصلہ لیا گیا تھا۔  اس کے بعد اکتوبر 2014 میں حکمراں بی جے پی حکومت سے ریزرویشن جاری رکھنے کے بار بار مطالبات کے بعد تمام جماعتوں نے متفقہ طور پر قانون ساز اسمبلی میں ریزرویشن پر قانون سازی کی تجویز کی حمایت کی۔  تاہم بی جے پی حکومت نے سپریم کورٹ میں اپنا مضبوطی سے دفاع نہیں کیا اور سپریم کورٹ میں ریزرویشن برقرار نہیں رہ سکا۔اس کے بعد بی جے پی حکومت نے نظر ثانی کی درخواست دائر نہیں کی۔  نسیم خان نے مزید کہا کہ بی جے پی حکومت مراٹھا-مسلم برادری سمیت کسی بھی دوسری برادری کو ریزرویشن نہیں دینا چاہتی۔  اس ایجی ٹیشن کے ذریعے نسیم خان نے مرکز کی مودی حکومت سے مطالبہ کیا ہے کہ وہ 50 فیصد ریزرویشن کی شرط میں نرمی کرے اور مراٹھا-مسلم برادری سمیت دیگر برادریوں کے لیے زیر التواء ریزرویشن کو فوری بحال کرے۔

 ممبئی مراٹھا کرانتی مورچہ کے کوآرڈینیٹر پرشانت پراب، گنیش چوان، ویاس دیو پوار، سوہاس رانے، جگن ناتھ اُدوگوڑے، نانا بھیٹنڈے، کرشنا نالاودے، بابو گیٹ، پرکاش شندے، پربھاکر جاوکر، بھاؤ شیٹی، اودھت شیلار، نتن پوار، دنیش مدھوک اور دنیش ودھوک کے۔ ملا، سبھاش گائیکواڑ، گھنشیام گائیکواڑ وغیرہ لوگ موجود تھے۔