تاثیر،۱۸ نومبر۲۰۲۳:- ایس -ایم- حسن
نئی دہلی، 18نومبر: آئی سی سی کرکٹ ورلڈ کپ 2023 کی فاتح ٹیم کو 40 لاکھ امریکی ڈالر اور رنر اپ ٹیم کو 20 لاکھ امریکی ڈالر کی انعامی رقم ملے گی۔ ساتھ ہی ہر گروپ مرحلے کی جیت کے لیے 40 ہزار ڈالر مقرر کیے گئے ہیں۔ ہندوستان اور آسٹریلیا دونوں ٹیمیں فائنل میچ گجرات کے نریندر مودی اسٹیڈیم میں کھیلیں گی۔گروپ مرحلے میں ایک بار دونوں کے درمیان میچ ہوا تھا جس میں ہندوستان نے کامیابی حاصل کی تھی۔ ہندوستان اپنے تمام نو میچ جیتنے کے بعد زیادہ سے زیادہ 18 پوائنٹس کے ساتھ ٹاپ پر ہے۔ ہندوستان کا 2.570 کا نیٹ رن ریٹ گروپ مرحلے میں سب سے بہتر رہا ہے۔جوہانسبرگ میں سال 2003 کا فائنل آسٹریلیا نے ٹیم انڈیا کو 125 رنز سے شکست دے کر جیتا تھا۔دنیا کے سب سے بڑے اسٹیڈیم میں اتوار کو ہونے والا تاریخی فائنل دیکھنے کے لیے ایک لاکھ سے زائد شائقین کی آمد متوقع ہے۔ اسٹیڈیم سال 2021 میں مکمل ہوا تھا جس کی گنجائش 1 لاکھ 32 ہزار ہے۔ ٹورنامنٹ کا افتتاحی میچ 5 اکتوبر کو ہوا اور 14 اکتوبر کو ہندوستان اور پاکستان کے درمیان میچ کھیلا گیا تھا جس میں میزبان ٹیم نے کامیابی حاصل کی تھی۔میزبان ٹیم انڈیا کا مقصد 12 سال قبل سال 2011 میں آئی سی سی کے فائنل میچ کی جیت کو دہرانا ہے۔آسٹریلیا نے اپنی تاریخ میں سب سے زیادہ بار آئی سی سی مینز کرکٹ ورلڈ کپ جیتا ہے۔اگر اتوار کو ہونے والا میچ بارش کی وجہ سے متاثر ہوتا ہے اور کوئی نتیجہ نہیں نکلتا ہے تو میچ ریزرو ڈے پر کھیلا جائے گا۔آئی سی سی کے ذریعہ دی گئی انعامی رقم کی مکمل تفصیل اس طرح ہے:عالمی کپ فاتح: 4 ملین امریکی ڈالر (تقریباً 33.17 کروڑ روپے)عالمی کپ رنر اپ ٹیم: 2 ملین امریکی ڈالر (تقریباً 16.59 کروڑ روپے)سیمی فائنل میں ہارنے والی ٹیم: 8 لاکھ امریکی ڈالر (تقریباً 6.63 کروڑ روپے)گروپ راو?نڈ میں باہر ہونے پر: 1 لاکھ امریکی ڈالر (تقریباً 82.29 لاکھ روپے)گروپ راو?نڈ میں ہر میچ جیتنے پر: 40 ہزار امریکی ڈالر (تقریباً 33.17 لاکھ روپے)۔خیال رہے کہ ہندوستانی ٹیم اس ٹورنامنٹ میں زبردست کارکردگی کا مظاہرہ کر رہی ہے اور اس نے گروپ مرحلے میں اپنے تمام نو میچ جیتے ہیں اور اس ٹورنامنٹ میں یہ کارنامہ انجام دینے والی واحد ٹیم ہے۔ ہندوستان نے 15 نومبر کو ہونے والے سیمی فائنل میچ میں نیوزی لینڈ کو 70 رنز سے شکست دے کر فائنل میں داخلہ حاصل کرلیا ہے۔آسٹریلیا نے اپنے ابتدائی میچوں میں ہندوستان اور جنوبی افریقہ کے ہاتھوں شکست کے بعد واپسی کی ہے۔ اس کے بعد اس نے نو میں سے سات میچ جیتے اور 14 پوائنٹس کے ساتھ سیمی فائنل کے لیے کوالیفائی کیا ہے۔ دوسرے سیمی فائنل میں آسٹریلیا نے جنوبی افریقہ کو سنسنی خیز مقابلے کے بعد تین وکٹوں سے شکست دے کر فائنل میں جگہ بنالی ہے۔بتا دیں کہ عالمی کپ کے 13ویں ایڈیشن میں میزبان ہندوستان کے علاوہ نیوزی لینڈ، انگلینڈ، بنگلہ دیش، پاکستان، آسٹریلیا، افغانستان، جنوبی افریقہ، سری لنکا اور نیدرلینڈ کی ٹیموں نے حصہ لیا۔ ہندوستان اور آسٹریلیا دونوں ٹیمیں فائنل میچ گجرات کے نریندر مودی اسٹیڈیم میں کھیلیں گی۔