تاثیر ۲ اگست ۲۰۲۴:- ایس -ایم- حسن
جموں, یکم اگست:جموں سرینگر قومی شاہراہ کو پورے خطے میں ہونے والی بارش کی وجہ سے پتھروں اور مٹی کے تودے گرنے کی وجہ سے کچھ دیر کے بعد گاڑیوں کی آمدورفت کے لیے کھول دیا گیا۔ ایس ایس پی نیشنل ہائی وے روہت باسکوترا نے بتایا کہ جموں سری نگر قومی شاہراہ کو صبح کے وقت موسلا دھار بارش کے پیش نظر بند کر دیا گیا تھا جس سے ہنگنی میں مٹی کے تودے گرنے اور مہر پنتھیال، ٹی 2، اور کشتواڑی پتھر میں وقفے وقفے سے پتھر گر رہے تھے ۔ انہوں نے کہا کہ مشینری، افرادی قوت کو کام پر لگایا گیا اور شاہراہ سے ملبے صاف کیا گیا۔ انہوں نے کہا کہ پھسلن کی وجہ سے گاڑیاں سست رفتاری سے چل رہی ہیں لیکن ہائی وے کھلی ہوئی ہے۔ دریں اثنا، محکمہ موسمیات نے کہا کہ گزشتہ 24 گھنٹوں میں جموں میں زیادہ سے زیادہ 112 ملی میٹر، ریاسی میں 74.5 ملی میٹر ، کٹرا میں 72.9 ملی میٹر اور ادھم پور میں 32.2 ملی میٹر بارش ریکارڈ کی گئی۔ انہوں نے کہا کہ 5 اگست تک کشمیر اور جموں ڈویڑن اور کے بیشتر مقامات پر وقفے وقفے سے ہلکی سے درمیانے درجے کی بارش یا گرج چمک کے ساتھ موسم عام طور پر ابر آلود رہے گا۔6 اور 7 اگست کو بارش کا سلسلہ جاری رہے گا۔ اور کشمیر ڈویڑن میں کئی مقامات اور جموں ڈویڑن میں کافی وسیع مقامات پر گرج چمک کے ساتھ بارش ہوگی۔ 8 سے 10 اگست تک الگ الگ مقامات پر بارش اور گرج چمک کے ساتھ بارش کا امکان ہے۔اس دوران مختصر وقت کے لیے شدید بارشیں ہوں گی جس میں سیلاب، بادل پھٹنے، لینڈ سلائیڈنگ، مٹی کے تودے گرنے اور خطرناک مقامات پر پتھراؤ کا امکان ہے۔ جموں ڈویڑن کے چند مقامات پر موسلادھار بارش کا امکان ہے۔