تاثیر 02 جنوری ۲۰۲۵:- ایس -ایم- حسن
مونٹی نیگرو ،02جنوری :جنوب مشرقی یورپی ملک مونٹی نیگرو میں ایک مسلح شخص نے ریسٹورنٹ اور راہگیروں پر اندھا دھند فائرنگ کردی۔عالمی خبر رساں ادارے کے مطابق مونٹی نیگرو کے ایک چھوٹے سے ٹاؤن میں مسلح شخص نے ایک ریسٹورینٹ پر حملہ کردیا جس میں 2 بچوں سمیت 6 افراد ہلاک ہوگئے۔
میڈیا رپورٹ کے مطابق خوف کی علامت بننے والے حملہ آور نے ریستوران سے باہر نکل کر اپنے راستے میں آنے والے دیگر تین مقامات پر بھی راہگیروں کو نشانہ بنایا جس میں مزید 4 افراد مارے گئے۔مسلح شخص کے حملے میں متعدد افراد زخمی بھی ہوگئے جن میں سے 4 کی حالت نازک ہونے کے باعث ہلاکتوں میں اضافے کا خدشہ ظاہر کیا جا رہا ہے۔