بھیونڈی ( شارف انصاری ):- بھیونڈی تعلقہ کے کونگاؤں علاقے میں واقعات سامنے آئے ہیں جہاں نامعلوم چوروں نے دو مختلف کمپنیوں میں توڑ پھوڑ کی اور 14 لاکھ روپے مالیت کی اسٹیل پلیٹیں اور تانبے کا سامان چوری کر لیا۔ اس سلسلے میں کونگاوں پولیس نے نامعلوم چوروں کے خلاف مقدمہ درج کرکے ان کی تلاش شروع کردی ہے۔
پولیس کے مطابق یکم سے 10 فروری کی درمیانی شب نامعلوم چور مقامی سراوالی ایم آئی ڈی سی کے علاقے میں واقع کلبن انجینئرنگ لمیٹڈ، ٹیکسٹائل کمپنی کے گودام نمبر 1 میں داخل ہوئے اور 20 ہزار 500 روپے مالیت کی 27 اسٹیل پلیٹیں چوری کر کے فرار ہو گئے۔ اسی طرح 9 اور 10 فروری کی درمیانی شب نامعلوم چوروں نے سپنا کمپا میکسل ہٹ ایکسچینجر پرائیویٹ لمیٹڈ کے شٹر کے قریب موجود لوہے کے دروازے کا تالا توڑ کر کاپر ٹیوب، کاپر پینکیک رولز، تانبے کے ہارڈ پائپ، تانبے کے ان بیڈ بکس اور 2 لاکھ 14 ہزار روپے مالیت کا دیگر سامان چوری کر لیا۔ کونگاؤں پولیس نے نامعلوم افراد کے خلاف مختلف دفعات کے تحت مقدمہ درج کرکے چوروں کی تلاش شروع کردی ہے، شہری اور دیہی علاقوں کے گوداموں میں چوری کی بڑھتی ہوئی وارداتوں سے گودام مالکان میں خوف کا ماحول ہے۔