Pin-Up Казино

Не менее важно и то, что доступны десятки разработчиков онлайн-слотов и игр для казино. Игроки могут особенно найти свои любимые слоты, просматривая выбор и изучая своих любимых разработчиков. В настоящее время в Pin-Up Казино доступно множество чрезвычайно популярных видеослотов и игр казино.

ریاست

وزیر اعلیٰ نے نیتا جی سبھاش چندر بوس کو ان کے یوم پیدائش پر سلام کیا۔

Written by Taasir Newspaper

Taasir Urdu News Network – Syed M Hassan 23rd Jan.

پٹنہ، 23 جنوری 2023:- نیتا جی سبھاش چندر بوس کے یوم پیدائش کے موقع پر آج قوم نےانہیں خراج عقیدت پیش کیا۔ پٹنہ کے گاندھی میدان کے جنوب مشرقی کونے پر واقع سبھاش پارک میں سرکاری تقریب کا اہتمام کیا گیا، جہاں گورنر مسٹر پھاگو چوہان اور وزیر اعلیٰ جناب نتیش کمار نے نیتا جی سبھاش چندر بوس کے  قد آدم مجسمے پر گلپوشی کر کے خراج عقیدت پیش کیا۔ یوم پیدائش کی تقریب  کے موقع پر عمارت تعمیرات کے وزیر جناب اشوک چودھری، وزیر ٹرانسپورٹ مسز شیلا کماری، قانون ساز کونسل کے رکن مسٹر رویندر سنگھ، وزیر اعلیٰ کے ایڈیشنل مشیر مسٹر منیش کمار ورما اور کئی دیگر معززین نے انہیں خراج عقیدت پیش کیا۔ گورنرجناب پھاگو چوہان نے مشترکہ مسلح افواج کی سلامی لی اور این سی سی کیڈٹس اور اسکاؤٹ گائیڈز کی پریڈ کا بھی معائنہ کیا۔
اس موقع پر محکمہ اطلاعات و تعلقات عامہ کے فنکاروں کی جانب سے آرتی پوجا، بھجن، کیرتن، بہار گیت اور حب الوطنی کے گیتوں کے پروگرام پیش کئے گئے۔پروگرام کے بعد صحافیوں سے بات کرتے ہوئے وزیر اعلیٰ نے کہا کہ نیتا جی سبھاش چندر بوس کو ہمیشہ یاد کرتے ہیں۔ ان سے لوگوں کے جذبات وابستہ ہیں۔ آج ان کے یوم پیدائش پر، ہم یہاں آتے ہیں اور انہیں سلام کرتے ہیں۔ ان کے بارے میں معلومات بچپن سے ہی دستیاب ہیں۔ ملک کی آزادی کے لیے یہاں آکر بھی وہ مختلف مقامات پر لوگوں کو تحریک دیتے رہے۔ وہ لوگوں کو انگریزوں سے ملک کو آزاد کرانے کی تحریک دیتے رہے۔ ملک انہیں ہمیشہ یاد کرتا ہے۔ نئی نسل کے لوگ بھی یہ سب باتیں یاد رکھیں گے۔ ان کا یوم پیدائش 23 جنوری کو بہتر طریقہ سے منایا جاتا ہے۔جے ڈی یو پارلیمانی بورڈ کے صدر اوپیندر کشواہا کے بیان سے متعلق سوال پر وزیر اعلیٰ نے کہا کہ آپ ان سے اس بارے میں پوچھیں، ہمیں ان سب باتوں کا علم نہیں ہے۔

About the author

Taasir Newspaper