“مسلم سیفٹی ایکٹ” کو ایس سی/ایس ٹی ایکٹ کی طرح بنایا جائے: مولانا غلام رسول بلیاوی

کٹیہار (عمر مُرشد) 10 جنوری 23

 سابق رکن اسمبلی مولانا غلام رسول بلیاوی پیر کو کٹیہار میں منعقد ہونے والی ادارہ شریعت تحریک بیداری کانفرنس کی تیاری کے سلسلے میں پروگرام میں شرکت کی

 انہوں نے کہا کہ اس تحریک کا مقصد جہیز کو ختم کرکے نکاح کو آسان بنانا ہے۔ مسلمانوں کو اس وقت رسول اللہ صلی اللہ علیہ وسلم کے بتائے ہوئے راستے پر چلنے کی ضرورت ہے۔ لیکن ملک میں کچھ لوگ نبی کریم صلی اللہ علیہ وسلم کی شان میں گستاخی کر رہے ہیں جسے برداشت نہیں کیا جائے گا۔ انہوں نے کہا کہ ہندوستان کے ڈی این اے میں کوئی فرقہ پرستی نہیں ہے۔ میڈیا سے ملاقات کرتے ہوئے انہوں نے کہا کہ اس وقت ملک میں مسلمان خود کو بے بس محسوس کر رہے ہیں۔ اسی لیے جس طرح ایس سی/ایس ٹی ایکٹ کے ذریعے دلتوں کو سماج میں تحفظ فراہم کیا گیا ہے۔ اسی طرح اس تحریک کا مشن بھی اسی ایکٹ کی طرح ‘مسلم سیفٹی ایکٹ’ بنا کر مسلم اقلیتوں میں اعتماد پیدا کرنا ہے۔