کھیل ذہنی اور جسمانی نشوونما کے لئے نہایت ضروری ہے:- آفتاب عظیم

ارریہ :-  ( مشتاق احمد صدیقی ) حکومت ہند کی وزارت برائے امور نوجوانان اور کھیل کی ضلعی اکائی نہرو یووا کیندر سنگٹھن ارریہ کی نگرانی میں گزشتہ کل ارریہ کالج اسٹیڈیم میں ضلعی سطح کے کھیلوں کے مقابلے کا انعقاد کیا گیا جس میں نوجوانوں سے وابستہ کھلاڑیوں نے حصہ لیا۔ مختلف مقابلوں کے فاتح کھلاڑی مہمان خصوصی ضلع پریشد کے صدر آفتاب عظیم پپو کے ہاتھوں اعزاز سے نوازے گئے، اس موقع پر آفتاب عظیم نے کہا کہ کھیل ذہنی اور جسمانی نشوونما کے لئے نہایت اور  بہت ہی  ضروری ہیں۔  نہرو یووا کیندر اس سمت میں کام کر رہا ہے، میں نے ہمیشہ بہتر کوشش کی ہے، سنٹر نے ہمیشہ کوشش کی ہے۔ نوجوانوں کے اندر چھپے ٹیلنٹ کو نکھارنے اور اس سے فائدہ اٹھانے کی ایک بامعنی کوشش ہے۔انہوں نے کہا کہ پڑھائی کے ساتھ ساتھ کھیل بھی اہم ہیں۔نہرو یووا کیندر دیہی نوجوانوں کو ایک بہتر پلیٹ فارم مہیا کرتا ہے یہ چھوٹے سے میدان سے بڑے میدان میں جانے کا موقع فراہم کرتا ہے۔ انہوں نے کہا کہ ارریہ کے نوجوانوں میں ٹیلنٹ کی کوئی کمی نہیں ہے، انہیں صرف مناسب رہنمائی اور تربیت کی ضرورت ہے، جو نہرو یووا کیندر انہیں فراہم کرتا ہے۔اس سے پہلے مہمان خصوصی پپو عظیم کو کیندر۔  ڈسٹرکٹ یوتھ آفیسر ستیہ پرکاش یادو نے گلدستے اور میڈل دے کر اعزاز سے نوازا۔اس مقابلے میں فٹ بال، والی بال، کبڈی، بیڈمنٹن، لانگ رن، ہائی جمپ اور دیگر کھیلوں کا انعقاد کیا گیا۔تمام کھیلوں میں پہلے، دوسرے اور تیسرے نمبر پر آنے والے کھلاڑیوں کو مہمان خصوصی شری آفتاب عظیم عرف پپو عظیم کے ہاتھوں اعزاز سے نوازے گئے۔اس موقع پر ڈسٹرکٹ یوتھ آفیسر ستیہ پرکاش یادو، اسسٹنٹ یوتھ آفیسر سدھانش ترپاٹھی، اسپورٹس کوچ نوشاد عالم، کوچ قمر معصوم، ضلع پریشد  ممبر ہلچل علی کے علاوہ سینٹر کے تمام نیشنل سروس کے اہلکا اور نوجوانوں نے شرکت کی۔ کلب اور مہیلا منڈل بھی موجود تھے۔