Taasir Urdu News Network – Syed M Hassan 28th Feb
ممبئی، 28 فروری : آل انڈیا سینئر سلیکشن کمیٹی نے2021-22 رنجی ٹرافی چیمپئن مدھیہ پردیش کے خلاف ایرانی کپ کے لیے ریسٹ آف انڈیا (آر او ائی ) کی ٹیم میں زخمی مینک مارکنڈے کی جگہ آل راؤنڈر شمس ملانی کو شامل کیا ہے۔
مینک مارکنڈے کی ٹریننگ کے دوران دائیں شہادت کی انگلی میں زخمی ہو گئی اور ٹورنامنٹ سے باہر ہو گئے۔ ریسٹ آف انڈیا (آر او آئی ) ٹیم کا مقابلہ 2021-22 رنجی ٹرافی چیمپئن مدھیہ پردیش سے 1-5 مارچ 2023 تک کپتان روپ سنگھ اسٹیڈیم، گوالیار میں ہوگا۔
ریسٹ آف انڈیا کی اپڈیٹیڈ ٹیم: مینک اگروال (کپتان)، ابھیمنیو ایشورن، یشسوی جیسوال، یش ڈھول، بابا اندرجیت، اپیندر یادو (وکٹ کیپر)، اتیت سیٹھ، سوربھ کمار، ہاروک دیسائی، نودیپ سینی، مکیش کمار، چیتن سکاریا، آکاش دیپ ، شمس ملانی، پلکت نارنگ، سدیپ کمار گھرامی۔