Taasir Urdu News Network – Syed M Hassan 27th Feb
متھرا،27فروری:اتر پردیش میں یمنا ایکسپریس وے پر ایک خوفناک سڑک حادثہ پیش آیا۔ جہاں مسافر بس سے تصادم میں کم از کم تین افراد ہلاک اور 17 زخمی ہو گئے۔ ڈبل ڈیکر بس دہلی سے بہار جا رہی تھی۔ اس دوران اتوار کی رات بس ڈیوائیڈر سے ٹکرانے کے بعد الٹ گئی۔ زخمیوں کو ضلع اسپتال بھیجا گیا ہے جہاں ان کا علاج جاری ہے۔معلومات کے مطابق متھرا کے ضلع مجسٹریٹ پلکیت کھرے نے بتایا کہ یہ حادثہ سنگ میل 88 کے قریب پیش آیا۔ بس نے نریلا سے سفر شروع کیا تھا اور بہار کے دربھنگہ جا رہی تھی۔ حادثے کے بعد مصروف ایکسپریس وے پر طویل جام لگ گیا۔ راستہ صاف کرنے میں کئی گھنٹے لگے۔واضح رہے کہ یہ بس حادثہ اتوار کی دیر رات تقریباً 11.30 بجے پیش آیا۔ یمنا ایکسپریس وے بس دہلی کے راستے بہار جا رہی تھی۔ اسی دوران ڈبل ڈیکر بس ڈیوائیڈر سے ٹکرانے کے بعد الٹ گئی۔ واقعہ کی اطلاع ملتے ہی ہائی وے پولیس موقع پر پہنچ گئی اور زخمیوں اور جاں بحق ہونے والوں کی دیکھ بھال کی۔ پولیس نے تمام زخمیوں کو اسپتال پہنچایا اور لاشوں کو پوسٹ مارٹم کے لیے بھیج دیا۔ پولیس معاملے کو سنجیدگی سے لیتے ہوئے مسلسل تحقیقات میں مصروف ہے۔