شمال مغربی حصوں میں گرمی میں اضافہ

Taasir Urdu News Network – Syed M Hassan 19th Feb

نئی دہلی،19فروری : فروری کا مہینہ ختم ہونے سے پہلے ہی گرمی کی شدت محسوس ہونا شروع ہو گئی ہے۔ دہلی، یوپی، بہار اور راجستھان سمیت شمالی ہندوستان میں موسم نے کروٹ لے لی ہے۔ سردیوں کی رخصتی کے ساتھ ہی گرمیوں نے دستک دے دی ہے۔ دن میں سورج کی تپش اب پریشان کر رہی ہے۔ تاہم ٹھنڈی ہواؤں کے اثر سے رات کے وقت ہلکی سردی محسوس کی جا رہی ہے۔محکمہ موسمیات کی پیشن گوئی کے مطابق گجرات، مہاراشٹر اور گوا کے ساحلی علاقوں میں آج (اتوار) 19 فروری کو زیادہ سے زیادہ درجہ حرارت 37 سے 39 ڈگری سیلسیس ریکارڈ کیا جا سکتا ہے۔ وہیں، ہندوستان کے شمال مغربی حصوں میں گرمی نے دستک دے دی ہے۔ آج 19 فروری 2023 کو قومی راجدھانی دہلی میں زیادہ سے زیادہ درجہ حرارت 31 ڈگری تک پہنچنے کا امکان ہے۔قومی راجدھانی دہلی میں اگلے ایک ہفتے تک زیادہ سے زیادہ درجہ حرارت 30 سے ??32 ڈگری کے درمیان رہے گا۔ 20 فروری کو بھی زیادہ سے زیادہ درجہ حرارت 32 اور کم سے کم درجہ حرارت 14 ڈگری تک بڑھ سکتا ہے۔ اس کے بعد 21 فروری سے بڑھتے ہوئے درجہ حرارت میں معمولی کمی ہوگی۔ 21 فروری کو زیادہ سے زیادہ درجہ حرارت 30 اور کم سے کم درجہ حرارت 14 ڈگری تک رہ سکتا ہے۔اتر پردیش کی راجدھانی لکھنؤ دہلی کی طرح گرم نہیں ہے لیکن یہاں بھی گرمی آہستہ آہستہ بڑھ رہی ہے۔ محکمہ موسمیات کی پیشن گوئی کے مطابق اتر پردیش کی راجدھانی لکھنؤ میں آج درجہ حرارت 30 ڈگری تک رہے گا اور کم سے کم درجہ حرارت 16 ڈگری رہے گا۔ وہیں، غازی آباد میں آج زیادہ سے زیادہ درجہ حرارت 30 ڈگری ریکارڈ کیا جا سکتا ہے، جبیہ دوپہر میں مطلع ابر آلود رہے گا۔موسم کی پیش گوئی کرنے والی ایجنسی ’اسکائی میٹ‘ کے مطابق گجرات، مہاراشٹرا، گوا اور ساحلی کرناٹک میں درجہ حرارت بڑھنے کا امکان ہے۔ جبکہ لداخ، جموں و کشمیر اور ہماچل پردیش کے بالائی علاقوں میں ہلکی سے درمیانی بارش اور برفباری کا امکان ہے۔ اڈیشہ کے شمالی ساحل اور گنگا مغربی بنگال کے ملحقہ حصوں میں ہلکی بارش ہو سکتی ہے۔ادھر، ممبئی میں گرمی کا زور جاری ہے۔ آج یہاں زیادہ سے زیادہ درجہ حرارت 37 ڈگری اور کم سے کم درجہ حرارت 21 ڈگری ریکارڈ کیا جا سکتا ہے۔ دن بھر دھوپ نکلنے کے امکانات ہیں۔ وہیں گجرات میں بھی زیادہ سے زیادہ درجہ حرارت 37 ڈگری تک پہنچ سکتا ہے۔