Taasir Urdu News Network – Syed M Hassan 1st Feb
پٹنہ، یکم فروری: مرکزی حکومت نے لوک سبھا انتخابات سے قبل ملک کا عام بجٹ پیش کیا ہے۔ وزیر خزانہ نرملا سیتا رمن نے پارلیمنٹ میں عام بجٹ پیش کیا۔ بی جے پی عام بجٹ کو لے کر پرجوش ہے اور پارٹی نے بجٹ کو ملک کی ہمہ جہت ترقی کا اسلحہ قرار دیا ہے۔ لوک سبھا انتخابات سے پہلے مکمل عام بجٹ پیش کیا جاتا ہے۔ نرملا سیتا رمن نے پاپولسٹ بجٹ پیش کرکے عام لوگوں کو ٹیکس میں ریلیف دینے کی کوشش کی ہے۔ اب سات لاکھ سے کم آمدنی والوں کو کوئی ٹیکس نہیں دینا پڑے گا۔ ساتھ ہی کسانوں اور غریبوں کے لیے بھی فائدے کا خیال رکھا گیا ہے۔ عام بجٹ پر بی جے پی لیڈروں نے اپنے اپنے ردعمل کا اظہار کیا ہے۔
بہار بی جے پی لیڈر اور بہار قانون ساز اسمبلی میں اپوزیشن لیڈر وجے سنہا نے عام بجٹ کو تمام طبقات کی فلاح و بہبود کا بجٹ قرار دیا ہے۔ انہوں نے کہا ہے کہ جس وڑن کے ساتھ یہ بجٹ وزیر اعظم نریندر مودی کی قیادت میں لایا گیا ہے اس سے ہر کسی کو فائدہ پہنچے گا ، خاص طور پر متوسط طبقے کے خاندانوں کو جن کے ٹیکس سلیب میں اضافہ کیا گیا ہے۔ اس بجٹ کے ذریعے حکومت غریبوں ، کسانوں اور خواتین کو فائدہ پہنچانیکی کوشش کی ہے۔
بجٹ پر تیجسوی یادو کے بیان کے بارے میں اپوزیشن لیڈر نے کہا کہ تیجسوی یادو جب سے حکومت میں ا?ئے ہیں ، وہ مسلسل اپنا فائدہ دیکھتے ہیں۔ وہ ایک بار پھر چاہتے ہیں کہ بہار میں بدعنوانی کی گنگوتری بہے اور وہ اس کے لیے کام بھی کر رہے ہیں۔ لیکن مرکزی حکومت نے تمام اسکیموں میں ڈی بی ٹی سسٹم لایا ہے۔ یہی وجہ ہے کہ ان لوگوں کے لیے کچھ نہیں ہونے والا ، جو صرف کرپشن کے بارے میں سوچیں گے ، انہیں اس بجٹ میں حقیقتاً کچھ نظر نہیں ا?ئے گا۔ اس لیے ہم سے ایسے لوگوں کے بارے میں بات نہ کریں۔ ہم کہنا چاہتے ہیں کہ مرکزی حکومت نے جو عام بجٹ پیش کیا ہے۔ یہ تمام طبقوں کے لیے فائدہ مند ہوگا۔
