!شردھا کپور نے شادی کی تاریخ بتا دی

Taasir Urdu News Network – Syed M Hassan 5th March

لو رنجن کی فلم ’تو جھوٹھی میں مکار‘ میں رنبیر کپور کے ساتھ شردھا کپور نظر آئیں گی ۔ شردھا کپور اس وقت پروموشن میں کافی مصروف ہیں۔ حال ہی میں ایک پروموشنل تقریب کے دوران اداکارہ سے ان کی شادی کے منصوبوں کے بارے میں پوچھا گیا۔ شردھا نے مذاق میں جواب دیا، ‘کیا آپ نے نہیں سنا، میں اگلے مہینے ہی کر رہی ہوں؟ باکل ہونے والیہے؛ آپ کو دعوت نامہ بھیجیں گے۔شردھا سے فلم کے بارے میں ایک جھوٹ اور ایک سچ بولنے کو بھی کہا گیا تھا۔ انہوں نے کہا، ‘اس فلم کی ریلیز سے پہلے ہی اس کے سیکوئل کی منصوبہ بندی کی گئی ہے، اسکرپٹ تیار ہے۔ اس کی شوٹنگ شروع ہونے والی ہے۔ انہوں نے بتایا کہ اس فلم میں بہت زیادہ جھوٹ اور فریب ہے۔ اگرچہ شردھا نے یہاں یہ نہیں بتایا کہ کیا سچ ہے اور کیا جھوٹ۔آپ کو بتادیں کہ لو رنجن کی فلم میں بونی کپور اور ڈمپل کپاڈیہ بھی مرکزی کردار میں ہیں۔ تو جھوٹھی میں مکارکو لو فلمز کے لو رنجن اور انکور گرگ نے پروڈیوس کیا ہے۔