Taasir Urdu News Network – Syed M Hassan 18th March
پرچنڈ حکومت نے قومی شہداء کے نام گزٹ میں شائع کئے
کھٹمنڈو، 18 مارچ: مارچ کے پہلے ہفتے میں، پر چنڈ حکومت نے نیپال میں ماؤنوازوں کی 10 سالہ مسلح مہم کے دوران اپنی جانیں گنوانے والے ہزاروں لوگوں کو قومی شہید کا درجہ دینے کا فیصلہ کیا تھا۔ پرچنڈ حکومت نے اب ان ‘شہیدوں’ کے نام بھی گزٹ میں شائع کیے ہیں۔
وزیر اعظم پر چنڈ کے پریس ایڈوائزر منہری تملسینا نے کہا کہ سی پی این (ایم سی) کی قیادت والی مخلوط حکومت نے نیپال کے تمام 77 اضلاع سے شہداء کے نام طلب کیے ہیں۔ اب یہ نام 13 مارچ کے گزٹ میں شائع ہو چکے ہیں۔ انہوں نے بتایا کہ گزٹ کی اشاعت کی باضابطہ اطلاع تمام 77 اضلاع کی انتظامیہ کو دے دی گئی ہے۔
یہ بات قابل ذکر ہے کہ نیپال میں 13 فروری 1996 کو شروع ہونے والی ماؤنوازوں کی مسلح مہم 21 نومبر 2006 کو امن معاہدے کے ساتھ ختم ہوئی۔ اس دوران ماؤنوازوں، سیکورٹی فورسز اور عام شہریوں سمیت 17 ہزار سے زیادہ لوگوں کی جانیں گئیں۔ ماؤ نوازوں کی اس مسلح مہم کو عوامی جنگ کے نام سے بھی جانا جاتا ہے۔ گزٹ میں سات ہزار سے زائد افراد کے نام ہیں۔
ماؤنوازوں کا مطالبہ ہے کہ مسلح سرگرمیوں میں جانیں گنوانے والوں کو قومی شہدا کا درجہ دیا جائے۔ ماؤ نواز مسلح مہم کے سپریم کمانڈر پشپ کمل دہل ‘پرچنڈ’ کے تیسری بار وزیر اعظم بننے کے بعد ان لوگوں کو شہید کا درجہ دیا گیا ہے۔ پر چنڈ سی پی این (ایم سی) کے صدر بھی ہیں۔