Taasir Urdu News Network – Syed M Hassan 11th March
نئی دہلی، 11 مارچ : وزیر اعظم نریندر مودی نے کہا کہ ’پی ایم وشوکرما یوجنا‘ کا مقصد دستکاروں اور چھوٹے کاروبار سے وابستہ لوگوں کی مدد کرنا ہے۔ شہروں میں مختلف قسم کے کاریگر ہیں۔ وہ اپنے ہنر سے اوزار کا استعمال کر کے اپنی روزی کماتے ہیں۔ پی ایم وشوکرما کی توجہ اس طرح کے بکھرے ہوئے سماج کی طرف ہے۔
وزیر اعظم مودی نے مزید کہا کہ اگر ہم مہاتما گاندھی کے گرام سوراج کے تصور کو دیکھیں تو گاؤں کی زندگی میں زراعت کے ساتھ ساتھ دیگر انتظامات بھی اتنے ہی اہم ہیں۔ انہوں نے ان خیالات کا اظہار آج (ہفتہ) کو ویڈیو کانفرنسنگ کے ذریعے ‘پی ایم وشوکرما کوشل سمان’ (پی ایم وکاس) پر بجٹ مابعد ویبینار میں کیا۔ یہخطاب 12 پوسٹ بجٹ ویبینار سیریز کا حصہ ہے۔
وزیر اعظم نے کہا کہ آج کا ویبنار ملک کے کروڑوں لوگوں کے ہنر اور صلاحیتوں کے لیے وقف ہے۔ ہنر جیسے شعبوں میں ہم جتنے اول ہوں گے، ہمیں اتنی ہی زیادہ کامیابی ملے گی۔
وزیر اعظم مودی نے کہا کہ اس بجٹ کو بامعنی کیسے بنایا جائے ،اس پر بھی بہت سے مشورے آئے ہیں، اس پر چرچا کی ہے۔ بجٹ پر بحث جو پارلیمنٹ میں ہوتی ہے اور وہ بحث جو ارکان پارلیمنٹ کرتے ہیں، اسی طرح ہمیں عوام سے بھی گہری آرا ملی ہیں۔
انہوں نے کہا کہ اس بار جو بجٹ آیا ہے اس پر جلد از جلد عملدرآمد کیسے کیا جائے اور اسٹیک ہولڈرز کے ساتھ مل کر اس پر عمل درآمد کے حوالے سے کافی بات چیت ہوئی ہے۔
قابل ذکر ہے کہ ویبنارز کی اس سیریز کا مقصد مرکزی بجٹ (2023-24) میں کیے گئے اعلانات پر آرا اور تجاویز جمع کرنا ہے، تاکہ ان تمام اعلانات پر صحیح سمت میں کام کیا جا سکے۔
‘پی ایم وشوکرما کوشل سمان’ کا مقصد کاریگروں اوردست کاروں کو گھریلو اور گلوبل ویلیو چین سے جوڑنا ہے۔ ایسا کرکے، حکومت اپنی مصنوعات اور خدمات کے معیار، پیمانے اور رسائی کو بہتر بنانا چاہتی ہے۔