Taasir Urdu News Network – Syed M Hassan 02 MARCH
پٹنہ، 2 اپریل:مرکزی وزیر داخلہ امت شاہ آج بہار میں ریلی کرنے جا رہے ہیں ، اپوزیشن جماعیں اس پر مسلسل حملہ کر رہی ہیں۔ شاہ کے دورے سے پہلے ہی جے ڈی یو پرانے وعدوں کی فہرست کے ساتھ تیار ہے۔ امت شاہ نوادہ کے ہسوا میں ایک جلسہ عام سے خطاب کر رہے ہیں۔ اس سلسلے میں جے ڈی یو کے ترجمان نیرج کمار کا بیان سامنے ا?یا ہے۔ انہوں نے کہا ہے کہ سہسرام میں بھیڑ جمع نہ ہونے کی وجہ سے بی جے پی نے یہ افواہ پھیلائی کہ وہاں دفعہ 144 لاگو ہے۔ ان میں ہمت نہیں، اسی لیے وہ وہاں جلسہ نہیں کر رہے۔ بی جے پی جھوٹی بات کر رہی ہے کہ ان کے کارکن پر بم پھینکا گیا ہے۔ سچ تو یہ ہے کہ جلسہ ہجوم کی کمی کی وجہ سے منسوخ کر دیا گیا۔مرکزی حکومت کی طرف سے ریاستوں سے رپورٹ مانگنے کے سوال پر نیرج کمار نے کہا کہ مرکزی حکومت کو ریاستوں سے رپورٹ مانگنے کا حق ہے، لیکن رپورٹ مانگنے پر سیاست نہیں چلے گی، ہم لوگ گودھرا نہیں بننے دیں گے۔ بہار میں _ کسی بھی حالت میں بہار میں گودھر بنانے کی اجازت نہیں ہے۔ بی جے پی نے سہسرام میں اپنا پروگرام کیوں منسوخ کیا ، اس کے پیچھے صرف ایک ہی مقصد ہے کہ وہ امن و امان کے حوالے سے بہار حکومت کو بدنام کرنا چاہتے ہیں۔ پی ایم کے فرضی ڈگری معاملہ پر بھی نیرج کمار نے انہیں گھیر لیا اور کہا کہ اگر کسی اعلیٰ عہدے پر بیٹھے شخص پر کوئی سوال درست ہے تو اسے معنی خیز جواب دینا چاہیے۔ مجھے نہیں معلوم کہ وزیراعظم کے پاس کونسی ڈگری ہے لیکن اگر آپ کی ڈگری تنازع کی زد میں ہے تو آپ کو سرعام جواب دینا چاہیے۔ نیرج کمار نے اڈانی معاملہ کو لے کر وزیر اعظم مودی پر سخت نشانہ لگایا اور کہا کہ اس ملک کی حکومت اڈانی کے ہاتھ میں ہے۔ واضح ہو کہ امت شاہ یکم اپریل کی شام کو جلسہ عام سے خطاب کرنے بہار پہنچے ہیں اور نوادہ میں عوام سے خطاب کریں گے۔
