Taasir Urdu News Network – Syed M Hassan 14 APRIL
کولکاتا، 14 اپریل : وزیر اعلیٰ ممتا بنرجی کے دوارے سرکار کیمپ میں لوگوں کو سرکاری منصوبوں کا بھرپور فائدہ مل رہا ہے۔ سکریٹریٹ کے ذرائع نے بتایا ہے کہ ریاست بھر میں منعقدہ کنیا شری اسکیموں کے لیے موصول ہونے والی درخواستوں میں سے 96 فیصد کا تصفیہکر لیاگیا ہے۔ یعنی درخواست دینے والوں کو اسکیم کا فائدہ ملا ہے۔ اس وقت سرکاری اسکیم کا چھٹا ایڈیشن چل رہا ہے جس میں ریاست بھر میں 24 ہزار 414 کیمپ لگائے گئے ہیں۔ کیمپوں کے لیے 1.8 لاکھ زائرین نے درخواست دی ہے۔
ایک پریس بیان میں کہا گیا ہے کہ 47.2 لاکھ درخواستیں موصول ہوئی ہیں اور ان میں سے 35.9 لاکھ خدمات فراہم کی گئی ہیں۔لکشمی بھنڈار کے لیے 9.9 لاکھ درخواستیں آئی ہیں، جن میں سے 7.9 لاکھ تقسیم کر دی گئی ہیں۔ سواتھیہ ساتھی کے لیے 4.5 لاکھ درخواستیں موصول ہوئیں اور 3.4 لاکھ خدمات فراہم کی گئیں۔ کنیا شری کے لیے، 1.59 لاکھ درخواستوں میں سے 1.52 لاکھ خدمات کو منظوری دی گئی ہے، جو کہ 96 فیصد ہے۔ دوارے سرکار کے یہ کیمپ 30 اپریل تک لگائے جائیں گے۔
