Taasir Urdu News Network – Syed M Hassan 07 APRIL
گملا،07اپریل :جھارکھنڈ کے گملا ضلع میں پولیس نے ایک 22 سالہ شخص کو گرفتار کیا ہے اور دہلی کے ایک تاجر سے مبینہ طور پر چوری کی گئی تقریباً 6.54 کروڑ روپے کی نقدی برآمد کی ہے۔ گملہ کے سپرنٹنڈنٹ آف پولیس (ایس پی) احتشام وقاریب نے بتایا کہ خفیہ اطلاع کی بنیاد پر پولیس نے ایک بس کو روکا اور بس سے ایک مشتبہ شخص کو حراست میں لے لیا۔ ایس پی نے بتایا کہ جانچ کے دوران اڈیشہ کے سندر گڑھ ضلع کے ڈالتون گنج سے رورکیلا جانے والی بس کے سامان کے ڈبے میں رقم کے پانچ تھیلے ملے۔تاہم دہلی کے تاجر کے ملازم سمیت اس کے دو ساتھی فرار ہو گئے۔ ایس پی نے کہا کہ رانچی سے محکمہ انکم ٹیکس کے اہلکار گملا پہنچ گئے ہیں اور گرفتار ملزمان سے پوچھ گچھ میں مصروف ہیں۔ انہوں نے کہا کہ جمعرات کو مشینوں کی مدد سے ایک بینک کے عہدیداروں نے 6,53,97,730 روپے نقد گنے۔ یہ نقدی دہلی کے قرول باغ علاقے میں سونے کے ایک تاجر سے چوری ہوئی تھی۔
