Taasir Urdu News Network – Syed M Hassan 14 APRIL
دبئی ،14 اپریل:T20لیگ کی آڑ میں دولت کی ریل پیل اور بہتی گنگا میں اب سعودی عرب نے بھی ڈبکی لگانے کی تیاری میں ہے۔ اطلاع کے مطابق سعودی عرب نے دنیا کی مہنگی ترین کرکٹ ٹی ٹوئنٹی لیگ کا منصوبہ تیار کر لیاہے۔آسٹریلوی میڈیا کے مطابق مہنگی ترین لیگ کے لیے سعودی عرب حکومت نے انڈین پریمئر لیگ کے مالکان سے بات کی ہے۔اس حوالے سے آسٹریلوی میڈیا کا کہنا ہے کہ سعودی حکام نے ٹی ٹوئنٹی کرکٹ کی مہنگی ترین لیگ کو اپنا اگلا منصوبہ قرار دیا ہے۔آسٹریلوی میڈیا کے مطابق ہندوستانی کھلاڑیوں پر اپنے بورڈ کی جانب سے دیگر لیگز میں شرکت پر پابندی ہے اور سعودی عرب کے حکام کی تجویز کے بعد قوانین میں نرمی کیے جانے کا امکان ہے۔رپورٹس کے مطابق سعودی عرب میں لیگ کے حوالے سے بات چیت ایک برس پہلے شروع ہوئی، آئی سی سی چیئرمین گریگ بارکلے نے ایک انٹرویو میں سعودی سرمایہ کاری کی دلچسپی کی تصدیق کی تھی۔آسٹریلوی میڈیا کے مطابق سعودی حکام پْرامید ہیں کہ دنیا کے لیے کرکٹ کا اگلا پڑاؤ سعودی عرب ہو گا۔
