TAASIR NEWS NETWORK- SYED M HASSAN –27 MAY
کولکاتا، 27 مئی: مغربی بنگال پولیس کی اسپیشل ٹاسک فورس (ایس ٹی ایف) نے شمالی اور جنوبی بنگال کے دو مختلف علاقوں سے منشیات کی بھاری مقدار کے ساتھ سات منشیات فروشوں کو گرفتار کیا ہے۔ ایس ٹی ایف کے ایس پی آئی پی ایس اندرجیت بسو نے ہفتہ کی صبح اس کی معلومات دی۔
انہوں نے کہا کہ ٹھوس اطلاع کی بنیاد پر نیو جلپائی گڑی تھانہ علاقہ کے امباری کینل روڈ علاقے میں محاصرہ کیا گیا۔ جیسے ہی اتر پردیش نمبر کا 10 پہیہ ٹرک پہنچا اسے گھیر کر روک دیا گیا۔ اس کی تلاشی پر کیبن میں چھپایا گیا 54 کلو گرام گانجہ برآمد ہوا ہے۔
گاڑی کے ڈرائیور اور ہیلپر دونوں کو گرفتار کر لیا گیا ہے۔ ان کی شناخت اتر پردیش کے مئو ضلع کے تحت کوپا گنج کے رہنے والے راجیش یادو (54) اور بہار کے روہتاس ضلع کے کرگھر کے رہنے والے راجیش کمار (24) کے طور پر ہوئی ہے۔ اس کے بعد شمالی 24 پرگنہ ضلع کے باراسات قاضی پاڑا علاقے میں ٹھوس معلومات کی بنیاد پر دیر شام کار کو روکا گیا جو اڈیشہ سے آرہی تھی۔ اس کی تلاشی پر اس کے پاس سے 54 کلو گانجہ برآمد ہوا۔
کار میں سوار پانچ افراد کو گرفتار کیا گیا ہے اور ان کی شناخت نارتھ 24 پرگنہ کے دتا پوکور کی رہنے والی حسینہ بی بی، اڈیشہ کے سمبل پور کے رہنے والے ریتوراج ساہو، یہیں کے ساکن متھن رانا، سیتارام مہاپاترا (33) اور شمالی 24 پرگنہ دتا پوکور کے رہنے والے حبیب الرحمن (35) کے طور پر ہوئی ہے۔ ان تمام کے خلاف این ڈی پی ایس ایکٹ کی دفعات کے تحت مقدمہ درج کرکے قانونی کارروائی شروع کی گئی ہے۔
