TAASIR NEWS NETWORK- SYED M HASSAN –16 MAY
نئی دہلی، 16مئی: آئی پی ایل 2023 کے 62ویں میچ میں گجرات ٹائٹنز نے سن رائزرز حیدرآباد کو شکست دے کر پلے آف میں جگہ بنا لی ہے۔ اس میچ میں گجرات نے حیدرآباد کو 34 رنز سے شکست دی۔ اس کے ساتھ ہی حیدرآباد کا آئی پی ایل 2023 میں سفر بھی اختتام کو پہنچا ہے۔ اس میچ میں گجرات کے اوپنر شبھمن گل نے 101 رن کی شاندار اننگز کھیلی۔
تاہم اس میچ کے بعد شبھمن کی سنچری سے زیادہ کوچ آشیش نہرا کی ناراضگی کے چرچے ہو رہے ہیں۔ دراصل، اس میچ میں نہرا ! قدرے ناراض نظر آئے۔ اسی دوران کپتان ہاردک پانڈیا اور کوچ آشیش نہرا کے درمیان بحث بھی ہوئی۔سال 2022 سے یعنی پچھلے سال سے آشیش نہرا گجرات ٹائٹنز کے کوچ کی ذمہ داری سنبھال رہے ہیں۔ تاہم، انہیں کوچنگ کے دوران ہمیشہ مزہ کرتے ہوئے دیکھا جاتا ہے۔ لیکن، حیدرآباد کے خلاف کھیلے گئے میچ کا منظر کچھ اس کے برعکس تھا۔
دراصل اس میچ کی پہلی اننگز میں شبھمن گل اور سائی سدرشن نے شاندار بلے بازی کی۔ دونوں کے درمیان 147 رنز کی شراکت بھی ہوئی۔ تاہم، سائی سدرشن کے آؤٹ ہونے کے بعد وکٹوں کی جھڑی لگ گئی۔ کپتان ہاردک پانڈیا 8، ڈیوڈ ملر 7، راہل تیوتیا 3 رن بنانے کے بعد آؤٹ ہوئے۔
اس دوران شبھمن نے اپنی سنچری مکمل کی۔ سنچری بنانے کے بعد گجرات ٹیم کے عملے نے کھڑے ہو کر تالیاں بجائیں لیکن آشیش نہرا اپنی سیٹ پر بیٹھے رہے۔ دراصل، نہرا گجرات کے بلے بازوں کے آؤٹ ہونے کے طریقے سے خوش نہیں تھے۔اننگز کے اختتام کے بعد دیکھا گیا کہ آشیش نہرا اور ہاردک پانڈیا کے درمیان کچھ بات چیت ہوئی۔ ہاردک بات چیت کے دوران کافی ناراض بھی ہو گئے تھے۔ تاہم آشیش نہرا کے جانے کے بعد وکرم سولنکی نے ہاردک کو تسلی دی۔بتادیں کہ اگر اس میچ میں شبھمن گل نے شاندار سنچری بنائی تو موہت شرما اور محمد سمیع نے بھی چار چار وکٹیں حاصل کیں
