TAASIR NEWS NETWORK- SYED M HASSAN –10 MAY
نئی دہلی، 10 مئی: بدھ کو دہلی کے جنتر منتر پر پہلوانوں کے مظاہرے کا 18 واں دن ہے۔ اب جنتر منتر پر بھیڑ بھی کم ہو گئی ہے۔ دوسری جانب جنتر منتر پر پہلوانوں کو پنجاب سے آنے والے لوگوں کی حمایت مسلسل مل رہی ہے۔ پہلوانوں نے طویل عرصے سے اس جنگ کو لڑنے کی تیاری کر رکھی ہے۔ پہلوانوں کی طرف سے صاف کہا جا رہا ہے کہ جب تک انہیں انصاف نہیں ملتا وہ احتجاجی مقام سے نہیں جائیں گے۔ دوسری جانب جنتر منتر پر کھانے پینے کے انتظامات بھی شروع ہو گئے ہیں۔ پہلے کھانا باہر سے آتا تھا لیکن اب یہاں کھانے پینے کی چیزیں تیار کی جارہی ہیں۔ جنتر منتر پر لنگر شروع کر دیا گیا ہے۔
جس طرح سے کسانوں نے سرحد پر مستقل قبضہ کرکے احتجاج کیا۔ بالکل ایسا ہی اب جنتر منتر پر بھی دیکھا جا رہا ہے۔
پہلوانوں کی جانب سے کہا جا رہا ہے کہ جب تک ہمیں انصاف نہیں مل جاتا ہم یہیں کھڑے رہیں گے۔ سیاسی جماعتوں کی بھی یہاں آمد کا سلسلہ جاری ہے اور ان کی حمایت بھی کی جارہی ہے۔ پہلوان کہتے ہیں کہ ہماری لڑائی صرف برج بھوشن شرن سنگھ سے ہے۔ ہماری حکومت سے کوئی لڑائی نہیں ہے۔
