TAASIR NEWS NETWORK- SYED M HASSAN -5 MAY
نئی دہلی، 5 مئی: سن رائزرز حیدرآباد (ایس آر ایچ) کے اوپنر مینک اگروال نے انڈین پریمیئر لیگ (آئی پی ایل) میں 2500 رنز مکمل کر لیے ہیں۔ انہوں نے یہ کارنامہ جمعرات کو کولکاتا نائٹ رائیڈرز (کے کے آر) کے خلاف میچ میں انجام دیا۔ مینک 11 گیندوں میں 18 رن بنا کر اس مقام تک پہنچے۔ انہیں تیسرے اوور میں ہرشت رانا نے آو?ٹ کیا۔
مینک نے 122 میچوں میں 22.45 کی اوسط اور 132.53 کے اسٹرائیک ریٹ سے 2514 رن بنائے ہیں۔ انہوں نے ایک سنچری اور 12 نصف سنچریاں بنائی ہیں۔ موجودہ آئی پی ایل میں، انہوں نے نو میچوں میں 20.78 کی اوسط اور 114.02 کے اسٹرائیک ریٹ سے 187 رن بنائے ہیں۔ انہوں نے اس سیزن میں اب تک کوئی نصف سنچری نہیں بنائی ہے۔
مینک نے آئی پی ایل 2011 میں رائل چیلنجرز بنگلور (آر سی بی) کے ساتھ اپنے کیریئر کا آغاز کیا، وہ 2013 تک فرنچائز کے لیے کھیلتے رہے۔ انہوں نے 29 میچوں میں 18.83 کی اوسط سے ٹیم کے لیے ایک ففٹی کے ساتھ 433 رن بنائے۔
اس کے بعد، انہوں نے 16-2014 سیزن کے لیے دہلی کیپٹلز کی نمائندگی کی۔ دہلی کے لیے 21 میچوں میں انہوں نے 2 نصف سنچریوں کے ساتھ 17.75 کی اوسط سے 355 رن بنائے۔
انہوں نے 2017 میں اب ختم ہوچکی رائزنگ پونے سپر جائنٹ کی نمائندگی کی اور صرف تین میچوں میں 20 رن بنائے۔
پنجاب کنگز کے ساتھ 22-2018 کے دوران ان کی بہترین کارکردگی سامنے آئی۔ پنجاب کے لیے 60 میچوں میں انہوں نے ایک سنچری اور نو نصف سنچریوں کے ساتھ 26.54 کی اوسط سے 1,513 رن بنائے۔
میچ کی بات کریں تو اس میچ میں کے کے آر نے پہلے بیٹنگ کرتے ہوئے مقررہ 20 اووروں میں 9 وکٹوں پر 171 رن بنائے۔ کے کے آر کی جانب سے رنکو سنگھ نے 46 اور کپتان نتیش رانا نے 42 رن بنائے۔ ان دونوں کے علاوہ رسیل نے 24 اور جیسن رائے نے 20 رن بنائے۔
جواب میں حیدرآباد کی ٹیم مقررہ 20 اووروں میں 8 وکٹوں پر 166 رن ہی بنا سکی اور 5 رن سے میچ ہار گئی۔ حیدرآباد کی جانب سے کپتان ایڈین مارکرم نے 41 اور ہینرک کلاسین نے 36 رن بنائے۔
