TAASIR NEWS NETWORK- SYED M HASSAN -5 MAY
نیپلز، 5 مئی: ناپولی نے جمعرات کی رات اڈینیز سے 1-1 سے ڈرا کھیلنے کے بعد 33 سالوں میں اپنا پہلا اطالوی سیری اے خطاب جیت لیا۔ ناپولی نے اس سے قبل ڈی اے گو ماراڈونا کی قیادت میں 1990 میں آخری بار یہ خطاب جیتا تھا۔ ناپولی کا کل ملا کر یہ تیسرا سیری خطاب ہے۔ کلب نے پہلی بار یہ خطاب ماراڈونا کی ہی قیادت میں 1987 میں جیتا تھا۔ناپولی کو پانچ گیمز باقی رہتے 16 پوائنٹس کی ناقابل تسخیر برتری حاصل کرنے کے لیے صرف ڈرا کی ضرورت تھی۔ میچ کے آغاز میں سینڈی لوورک نے 13ویں منٹ میں گول کر کے اوڈینیز کو 0-1 کی برتری دلا دی۔سیری اے کے ٹاپ اسکورر وکٹر اوسیمین نے 52ویں منٹ میں ناپولی کے لیے برابری کی اور یہی فیصلہ کن اسکور ثابت ہوا۔ فائنل سیٹی بجتے ہی اسٹیڈیم کے اندر اور باہر اودین کے مداحوں نے جشن منانا شروع کردیا۔ اسی دوران نیپلز میں لوگ سڑکوں پر نکل آئے اور آتش بازی شروع کر دی۔
یہ خطاب اٹلی کے ٹاپ ڈویڑن میں ناپولی کا تیسرا اور ارجنٹینا کے قدآور کھلاڑی ڈیاگو ماراڈونا کے 1987 اور 1990 میں ٹائٹل جیتنے کے بعد یہ ان کا پہلا خطاب ہے۔ نومبر 2020 میں ان کی موت کے بعد ماراڈونا کے اعزاز میں ناپولی کے ہوم اسٹیڈیم کا نام بدل کر اسٹیڈیو ڈیاگوارمانڈو ماراڈونا رکھ دیا گیا تھا۔ ناپولی کے کوچ لوسیانو اسپیلیٹی نے کہا کہ ماراڈونا کا اثر اس کامیابی میں محسوس ہوا۔
