دو مال بردار ٹرینں آپس میں ٹکرا ئیں، تیرہ بوگیاں پٹری سے اتریں

TAASIR NEWS NETWORK- SYED M HASSAN –25 JUNE     

باکونڈا ، 25 جون:ضلع کے اندا علاقے میں اتوار کی صبح دو مال بردار ٹرینیں آپس میں ٹکرا گئیں۔ تصادم اتنا زوردار تھا کہ تیرہ بوگیاں پٹری سے اتر گئیں۔ اس واقعہ سے علاقے میں افراتفری پھیل گئی۔
موصولہ اطلاع کے مطابق انڈا ریلوے اسٹیشن پر لوپ لائن پر کھڑی ایک مال بردار ٹرین صبح تقریباً 4.15 بجے دوسری مال گاڑی سے ٹکرا گئی۔ جس کی وجہ سے دونوں مال گاڑیوں کی تیرہ بوگیاں پٹری سے اتر گئیں۔ تصادم کی تیز آواز سن کر اہل علاقہ دوڑے انہوں نے ڈرائیور کو بچا لیا۔ بتایا جا رہا ہے کہ اسے معمولی چوٹیں آئی ہیں۔حادثے کے حوالے سے سوالات اٹھائے گئے ہیں۔ سب سے بڑا سوال یہ ہے کہ ایک لائن پر مال بردار ٹرین کھڑی ہونے کے باوجود دوسری مالگاڑی کیسے آئی؟ یہ واقعہ بھونیشور میں کورومنڈل ایکسپریس کے پٹری سے اترنے کی یاد دلاتا ہے۔واقعے کے کچھ دیر بعد ساؤتھ ایسٹرن ریلوے کے آدرا ڈویژن کے ڈی آر ایم منیش کمار نے جائے حادثہ کا دورہ کیا۔ صحافیوں سے گفتگو کرتے ہوئے انہوں نے بتایا کہ واقعہ کی تحقیقات شروع کر دی گئی ہیں۔ ابتدائی طور پر ایسا لگتا ہے کہ قصور ڈرائیور کا ہے۔ دو مال گاڑیوں کے ٹکرانے سے ٹرین کو نقصان پہنچا ہے۔ اس کے علاوہ لائن کے سگنل اور پلیٹ فارم کو بھی نقصان پہنچا ہے۔اس واقعہ کی وجہ سے ساؤتھ ایسٹرن ریلوے کی آدرا کھڑگپور برانچ میں ٹرینوں کی آمدورفت میں خلل پڑا، جسے شام کو کچھ حد تک بحال کیا گیا۔