TAASIR NEWS NETWORK- SYED M HASSAN –3 JUNE
اقوام متحدہ ،3جون : اقوام متحدہ کی سلامتی کونسل نے جمعے کو سوڈان میں انسانی امداد کی لوٹ مار اور عام شہریوں اور شہری انفراسٹرکچر پر حملوں کی مذمت کی ہے۔اقوام متحدہ میں برطانیہ کے مشن کی طرف سے پیش کردہ ایک بیان میں سلامتی کونسل نیسوڈان میں “دشمنی کے خاتمے، ایک مستقل جنگ بندی کے معاہدے اور سوڈان میں جمہوریت کی طرف جانے والے سیاسی عمل کے آغاز” پر زور دیا۔کونسل کے رکن ممالک نے سوڈان میں اقوام متحدہ کے مشن کے لیے اپنی حمایت کا اعادہ کیا اور سوڈانیوں کی قیادت میں سیاسی عمل میں اس کی مسلسل شمولیت پر زور دیا۔اپنے بیان میں سلامتی کونسل نے سوڈان میں تنازع کے پڑوسی ممالک پر پڑنے والے اثرات کے بارے میں “تشویش” کا اظہار کیا اور بین الاقوامی تنظیموں اور اقوام متحدہ کے اراکین سے انسانی ضروریات پر فوری ردعمل کا مطالبہ کیا۔بیان میں کہا گیا ہے کہ جوبا امن معاہدہ میں شامل تمام فریقین اس پر عمل درآمد کے پر پابند ہیں۔ اسے مکمل طور پر لاگو کیا جانا چاہیے، خاص طور پر دارفور میں مستقل جنگ بندی کے حوالے سے ضروری اقدامات کیے جائیں۔”جمعہ کو اقوام متحدہ کی سلامتی کونسل نے سوڈان میں اقوام متحدہ کے سیاسی مشن کی مدت میں چھ ماہ کی توسیع کا اعلان کیا ہے۔ قبل ازیں سوڈانی فوج کے کمانڈر عبدالفتاح البرہان نے اقوام متحدہ کے ایلچی وولکر پرتھیس پر تنازع کو ہوا دینے میں کردار ادا کرنے کا الزام لگایا تھا۔ایک مختصر فیصلے میں سلامتی کونسل نے متفقہ طور پر “سوڈان میں اقوام متحدہ کے مربوط عبوری سپورٹ مشن” کے مینڈیٹ میں 3 دسمبر 2023 تک توسیع کرنے پر اتفاق کیا۔پچھلے ہفتے جنرل البرہان نے پیریتھس پر سوڈانی فوج اور محمد حمدان دقلو کی سربراہی میں ریپڈ سپورٹ فورسز کے درمیان خونریز تصادم کو ہوا دینے کا الزام لگایا تھا۔البرہان نے اقوام متحدہ کے سکریٹری جنرل، انتونیو گوٹیرس کو ایک خط بھیجا جس میں ان سے پرتھیس کے لیے “متبادل کو نامزد کرنے” کے لیے کہا گیا ہے، جس میں مؤخر الذکر پر ایک سیاسی عمل کی قیادت کرتے ہوئے “دھوکہ دہی اور گمراہ کن” رویے کا الزام عائد کیا گیا جو تباہ کن جنگ میں تبدیل ہو گیا۔بدھ کے روز اقوام متحدہ کی سلامتی کونسل کے بند کمرہ اجلاس کے اختتام پر گوٹیرس نے بریتھس پر اپنے “مکمل اعتماد” کا اظہار کیا تھا۔
