نتیش کے پاس کچھ نہیں ، لالو کے ووٹ پر دکھا رہے ہیں طاقت: سمراٹ چودھری

TAASIR NEWS NETWORK- SYED M HASSAN –27JUNE      

سہرسہ، 27 جون: سہرسہ میں بی جے پی کے ریاستی صدر سمراٹ چودھری نے اپنے ایک روزہ دورے کے دوران نتیش کمار پر طنز کیا۔ ایک بار پھر انہوں نے اگوانی گھاٹ پل گرنے کے لیے نتیش حکومت کو ذمہ دار ٹھہرایا ہے۔ واضح ہو کہ اس دورے کے دوران سمراٹ چودھری نے امبیڈکر چوک میں بابا صاحب بھیم راو? امبیڈکر کے مجسمے اور ویر کنور سنگھ چوک میں ویر کنور سنگھ کے مجسمے پرگلپوشی کی۔ جس کے بعد سمراٹ چودھری سیدھے شنکر چوک میں واقع رام جانکی ٹھاکر باڑی مندر پہنچے اور پوجا کی۔ اس کے ساتھ مہا جن سمپرک ابھیان پروگرام میں حصہ لیتے ہوئے نظر ا?ئیں گے۔
میٹنگ کے بعد بی جے پی کے ریاستی صدر سمراٹ چودھری نے میڈیا سے بات کرتے ہوئے وزیر اعلیٰ نتیش کمار کو نشانہ بنایا۔ انہوں نے کہا کہ نتیش کمار اب پوری طرح کھوکھلا ہو چکے ہیں۔ اب ان کے پاس کچھ نہیں بچا۔ لالو کے پاس کچھ ووٹ ہیں، اس کی بنیاد پر وہ نظر آرہے ہیں۔ بہار میں کوئی عظیم اتحاد نظر نہیں ا?رہا ہے۔ 2024 میں صرف اور صرف نریندر مودی کی قیادت میں بی جے پی بہار میں چالیس میں سے چالیس سیٹیں جیتنے والی ہے۔ ساتھ ہی انہوں نے پل کے گرنے کے بارے میں یہ بھی کہا کہ اس کی مکمل تحقیقات کے لیے ایک ٹیم تشکیل دی گئی ہے۔ حالانکہ یہ واضح ہے کہ نتیش کمار کا بہار ماڈل صاف نظر ا?رہا ہے۔ اگوانی گھاٹ کے پل گر رہا ہے۔ یہ پل آندھی کی وجہ سے گر رہا ہے۔ فی الحال کوئی دوسرا ماڈل نہیں چل رہا ہے۔ بہار میں نتیش کمار کے ماڈل کو ا?پ ہی پہچانتے ہیں۔ بہار کو مکمل طور پر تباہ صرف ایک لیڈر نے کیا ہے، وہ ہے نتیش کمار۔
دوسری طرف بی جے پی کے ریاستی صدر سمراٹ چودھری کو مقامی بی جے پی لیڈروں اور کارکنوں نے آم اور لڈو سے تولا۔ اس دوران سابق وزیر بی جے پی ایم ایل اے نیرج کمار ببلو ، سابق وزیر بی جے پی ایم ایل اے جیوش مشرا ، سابق وزیر و مقامی بی جے پی ایم ایل اے آلوک رنجن ، نو منتخب میئر بین پریا اور بی جے پی کے کئی لیڈر اور کارکنان ان کے ساتھ موجود تھے۔ سہرسہ میں بی جے پی کے ریاستی صدر سمراٹ چودھری کی آمد کو لے کر بی جے پی لیڈر اور کارکن کافی پرجوش ہیں۔ ان کے روڈ شو میں نوجوانوں کی بڑی تعداد نے شرکت کی۔