TAASIR NEWS NETWORK- SYED M HASSAN -12 JUNE
ڈوڈہ، 12 جون: ضلع ڈوڈہ کے چیف میڈیکل آفیسر ڈاکٹر عبدالحمید زرگر نے طبی خدمات کے معیار کا جائزہ لینے اور وقت کی پابندی برقرار رکھنے کے لیے اولڈ سب ڈسٹرکٹ اسپتال بھدرواہ کا اچانک دورہ کیا اور اسپتال انتظامیہ کے کام کاج کا جائزہ لیا۔ سی ایم او نے صحت کی دیکھ بھال کے انتظامات اور مریضوں کو فراہم کی جانے والی سہولیات کا تفصیلی معائنہ کیا۔ اپنے دورے کے دوران سی ایم او نے اسپتال کے تمام حصوں کا معائنہ کیا اور صحت کی سہولیات کے حوالے سے مقامی لوگوں سے بات چیت بھی کی۔ چیف میڈیکل آفیسر ڈوڈہ نے صحت کے عملے کو ہدایت کی کہ وہ مریضوں کو صحت کی بہتر سہولیات کی فراہمی کو یقینی بنانے کے ساتھ ساتھ فرائض کی انجام دہی کے دوران مناسب ڈریس کوڈ اور وقت کی پابندی کو برقرار رکھنے کے لیے لگن کے ساتھ کام کریں تاکہ اسپتال میں علاج کی غرض سے آنے والے تمام مریضوں کو مناسب علاج فراہم کیا جا سکے۔
