TAASIR NEWS NETWORK- SYED M HASSAN -13 JUNE
نئی دہلی ، 13جون: آئی سی سی ورلڈ ٹیسٹ چمپئن شپ کے فائنل میں شکست کے بعد ہندوستانی ٹیم فی الحال کوئی میچ نہیں کھیلنے جا رہی ہے۔ تقریباً ایک ماہ آرام کرنے کے بعد ٹیم کو اپنے اگلے مشن کے لئے روانہ ہونا ہے۔ ہندوستانی ٹیم کی میزبانی کرنے والے ویسٹ انڈیز کرکٹ بورڈ نے مکمل شیڈول جاری کر دیا ہے۔آئی سی سی ورلڈ ٹیسٹ چمپئن شپ کے فائنل میں شکست کے بعد ہندوستانی ٹیم فی الحال کوئی میچ نہیں کھیلنے جا رہی ہے۔ ہندوستانی ٹیم کو اگلے ماہ کی 12 تاریخ سے ایک نیا مشن شروع کرنا ہے۔ ٹیم پہلا ٹیسٹ میچ ویسٹ انڈیز کے ساتھ ان کے گھر پر کھیلے گی۔ اس کے بعد وہ ونڈے کھیلے گی اور پھر آخر میں ٹی ٹوینٹی سیریز کے ساتھ دورے کا اختتام کرے گی۔دورہ ویسٹ انڈیز کا آغاز 12 جولائی کو دو ٹیسٹ میچوں کی سیریز سے ہوگا۔ پہلا میچ 12 سے 16 جولائی تک ونڈسر پارک میں کھیلا جائے گا۔ دوسرا ٹیسٹ میچ 20 سے 24 جولائی تک کوئنس پارک اوول میں کھیلا جائے گا۔ اس کے بعد ہندوستانی ٹیم کو 27 جولائی سے 3 ون ڈے میچوں کی سیریز کھیلنی ہے۔ دوسرا ون ڈے 29 جولائی کو کھیلا جائے گا۔ پہلے دو ون ڈے کینسنگٹن اوول میں کھیلے جائیں گے۔ تیسرا اور آخری ون ڈے میچ یکم اگست کو کھیلا جائے گا۔ 5 میچوں کی ٹی ٹوینٹی میچوں کی سیریز کا آغاز 3 اگست سے ہوگا۔ دوسرا میچ 6 اگست کو کھیلا جائے گا۔ تیسرا اور چوتھا ٹی ٹوینٹی میچ 8 اور 12 اگست کو کھیلا جائے گا۔ اس دورے کا اختتام 12 اگست کو آخری ٹی ٹوینٹی میچ کے ساتھ ہوگا۔
