TAASIR NEWS NETWORK- SYED M HASSAN –14 JULY
نئی دہلی، 14 جولائی : اسرو کے سائنسدانوں کا مقصد چاند کی سطح پر چندریان-3 کی سافٹ لینڈنگ کرانا ہے۔ اگر ہندوستان ایسا کرنے میں کامیاب ہو جاتا ہے تو وہ امریکہ، چین اور سابق سوویت یونین کے بعد اس فہرست میں چوتھا ملک بن جائے گا۔ چندریان-2 2019 میں چاند کی سطح پر بحفاظت اترنے میں ناکام رہا تھا، جس کی وجہ سے اسرو کی ٹیم بہت مایوس ہوئی تھی۔ تب اسرو کے اس وقت کے سربراہ کے سیوان کو وزیر اعظم نریندر مودی کے ذریعے گلے لگا کر تسلی دینے کی تصویریں آج بھی یاد ہیں۔ انڈین اسپیس ریسرچ آرگنائزیشن (اسرو) نے 4 سال بعد ایک بار پھر چندریان کو زمین کے واحد سیٹلائٹ چاند پر لے جانے کے لیے اپنا تیسرا مشن شروع کیا۔ ‘فیٹ بوائے’ LVM-M4 راکٹ نے ٹھیک 2.35 بجے سری ہری کوٹا کے ستیش دھون خلائی مرکز سے چندریان 3 کے ساتھ اڑان بھری۔ اگر چاند پر گاڑی کی ‘سافٹ لینڈنگ’ یعنی گاڑی کو محفوظ طریقے سے اتارنے کا اسرو کا یہ مشن کامیاب ہو جاتا ہے تو ہندوستان ان منتخب ممالک کی فہرست میں شامل ہو جائے گا، جو ایسا کرنے میں کامیاب ہوئے ہیں۔ اگست کے آخر میں چندریان 3 کا لینڈر، روور کو لیکر چاند پر اترے گا۔اسرو نے کہا کہ چندریان-3 نے اپنے عین مدار میں چاند کی طرف اپنا سفر شروع کر دی ہے۔ خلائی جہاز مکمل طور پر نارمل برتاؤ کر رہا ہے۔ پروجیکٹ ڈائریکٹر پی ویرمتھوویل اور اسرو کے سربراہ ایس سومانتھ نے LVM3 M4 گاڑی کو مدار میں کامیابی کے ساتھ لانچ کرنے کے بعد اپنی خوشی کا اظہار کیا۔
