TAASIR NEWS NETWORK- SYED M HASSAN –30 JULY
دربھنگہ(فضا امام) 30 جولائی:- شمالی بہار کے دربھنگہ میں محرم کے موقع پر سوشل میڈیا کے ذریعے دربھنگہ میں سماجی-فرقہ وارانہ ہم آہنگی کو بگاڑنے کی کوشش کرنے والے کچھ سماج دشمن عناصر کے پیش نظر 27 جولائی سے رکی ہوئی انٹرنیٹ سروس آج سے بحال کر دی گئی ہے۔ آج شام 4 بجے سے ہی ضلع میں لوگوں کو انٹرنیٹ سروس کی سہولت ملنا شروع ہوگئی ہے۔ تاہم سروس کی بحالی سے انتظامیہ الرٹ ہو گئی ہے۔ پولیس انتظامیہ سوشل سائٹ پر مسلسل نظر رکھے ہوئے ہے۔انٹرنیٹ سروس بحال ہونے کے بعد دربھنگہ کے لوگوں نے راحت کی سانس لی۔ اس سروس کی بندش سے تعلیم، کاروبار، آن لائن بینکنگ بری طرح متاثر ہو رہی تھی ۔انٹرنیٹ نہ ہونے کی وجہ سے تاجروں کو کاروبار کرنے میں شدید دشواری کا سامنا کرنا پڑا۔ طلبہ بھی پریشان تھے۔ آج سے سروس بحال ہونے کے بعد تمام طبقات میں خوشی کی لہر دوڑ گئی ہے۔