شجرکاری کے ساتھ روٹری کلب پٹنہ کے نئے سیشن کا آغاز

پٹنہ، 2 جولائی: سیشن 2023-24 کے پہلے دن ہفتہ کو روٹری کلب پٹنہ کنکرباغ کے ممبران نے حلقہ نمبر 3250 کےڈویژنل صدر کی اپیل پر مقامی سنجے گاندھی ہائی اسکول کے احاطے میں درخت لگا کر سیشن کا آغاز کیا۔ مذکورہ بالا باتوں کی جانکاری کلب کے نئے صدر روی شنکر سنگھ اور سکریٹری اجیت کمار سنہا نے دی۔ روٹری کے نئے سیشن 2023-24 کے پہلے دن کلب ممبران میں کافی جوش و خروش دیکھا گیا۔ ممبران نے مقامی سنجے گاندھی ہائی اسکول کے احاطے میں آم، امرود، لیموں اور دیگر بہت سے پھلوں کے درخت بھی لگائے۔ مذکورہ موقع پر ڈویژن 3250 کے سابق ڈویژنل صدر روٹیرین ڈاکٹر راکیش پرساد، اس سیشن کی پلانٹیشن کمیٹی کے چیرمین رو راج کشور سنگھ، آئی پی پی روٹیرین شمبھو ناتھ سنگھ، خزانچی روٹیرین نتیش مشرا اور دیگر ممبران نے بھی بڑی تعداد میں شرکت کی۔کلب کے صدر رو سنگھ نے کہا کہ سیشن 2023-24 میں کلب کے ممبران کی طرف سے تقریباً دس ہزار پودے لگانے کا فیصلہ کیا گیا ہے۔ سیشن کے پہلے دن کل 50 سایہ دار درخت لگائے گئے۔اس پروگرام میں روٹری ڈسٹرکٹ-3250 روٹیرین کے کو چیئرمین (پلانٹیشن) راج کشور سنگھ جو روٹری کلب آف پٹنہ کنکر باغ کے رکن بھی ہیں۔ اس پروگرام میں روٹیرین ڈاکٹر راکیش پرساد، صدر روٹیرین روی شیکھر سنگھ، روٹیرین. ایس این سنگھ، سکریٹری آر ٹی این۔ اجیت کمار سنہا، خزانچی روٹیرین نتیش مشرا نے درخت لگایا۔اسکول کے بورڈ آف ڈائریکٹرز کے رکن انجنی کمار نے کلب کے تئیں اظہار تشکر کیا۔ اس سے قبل مذکورہ سکول میں کلب کی جانب سے ہینڈ واش سٹیشن بھی نصب کیا جا چکا ہے۔