TAASIR NEWS NETWORK- SYED M HASSAN –24 JULY
بھوپال،24جولائی: مدھیہ پردیش کے سیونی کے دھوبی سرّا گائوں میں دردناک حادثہ ہوا ہے۔ موصولہ اطلاع کے مطابق 4 معصوم بچوں کی ایک تالاب میں ڈوبنے سے موت ہو گئی ہے۔ بتایا جا رہا ہے کہ گاو?ں کے الگ الگ کنبوں کے کچھ بچے اتوار کی دوپہر گائوں کے پاس بنے ایک تالاب میں نہانے کے لیے گئے ہوئے تھے اور تبھی یہ حادثہ سرزد ہوا۔اس حادثے میں مارے گئے بچوں کی شناخت ریتک چکرورتی (10 سال)، ا?یوش وشوکرما (8 سال)، آرو تمرام (5 سال) اور رشبھ وشوکرما (5 سال) کی شکل میں ہوئی ہے۔ موقع پر پہنچی پولیس نے چاروں لاشوں کو اپنے قبضے میں لے کر پوسٹ مارٹم کے لیے بھیج دیا ہے۔پولیس کے مطابق ان چاروں بچوں کو تالاب کی گہرائی کا اندازہ نہیں تھا۔ نہانے کے دوران وہ تالاب کے گہرے پانی میں چلے گئے اور پانی میں ڈوبنے سے چاروں بچے کی موت ہو گئی۔ سبھی بچوں کی عمر محض 5 سے 10 سال بتائی جا رہی ہے۔ اتوار کی دیر شام بچوں کی لاشیں تالاب سے برآمد کر لی گئی ہیں۔ فی الحال پولیس جانچ میں مصروف ہے۔ اس حادثے کے بعد پورے گائوں میں ماتم پسر گیا ہے۔کرئی تھانہ انچارج مدن لال مراوی کے مطابق دھوبی سرّا گائوں میں تالاب میں ڈوبنے سے 4 بچوں کی موت ہو گئی ہے۔ پیر کی صبح پنچ نامہ کے بعد لاش ان کے گھر والوں کو سونپ دیے جائیں گے۔ پولیس جانچ کرے گی اور حادثے کے سبب کا پتہ لگانے کے بعد آگے کی کارروائی کی جائے گی۔
