TAASIR NEWS NETWORK- SYED M HASSAN -25 AUG
کولمبو ، 25اگست:افغانستان کے لیے ایک بار پھر سے برا خواب ثابت ہونے والے پاکستان کرکٹ ٹیم کے فاسٹ بولر نسیم شاہ افغانستان سے جیت کے بعد جذباتی ہو گئے، نسیم شاہ کو والدہ کی یاد کرکے آبدیدہ ہوگئے ۔سوشل میڈیا پر گزشتہ روز سے نسیم شاہ کے خوب چرچے ہو رہے ہیں، نسیم شاہ نے پاکستان کو دوسرے ونڈے میچ افغانستان سے جتا کر پاکستانیوں کے دل جیت لیے ہیں۔دوسری جانب جیت کا جشن مناتے ہوئے نسیم شاہ نے اپنی والدہ کا ذکر چھیڑ دیا۔قومی کرکٹ ٹیم کی جانب سے جیت کا جشن مناتے ہوئے ایک ویڈیو سوشل میڈیا پر وائرل ہے جس کے اختتام میں نسیم شاہ اپنی والدہ کا ذکر کر رہے ہیں۔ وائرل ویڈیو میں دیکھا جا سکتا ہے کہ پوری ٹیم نسیم شاہ کو سراہ رہی ہے اور مبارکباد دے رہی ہے، جس پر نسیم شاہ کا کہنا ہے کہ میں صرف اتنا کہنا چاہتا ہوں کہ کاش آج یہ میری ماں دیکھ سکتیں، اس موقعہ پر مجھ سے کچھ بولا نہیں جا رہا ہے۔