TAASIR NEWS NETWORK- SYED M HASSAN -22 AUG
نئی دہلی،22اگست :ایشیا کپ 2023 کے لیے 17 رکنی ہندوستانی ٹیم کا انتخاب کیا گیا ہے۔ روہت شرما اس باوقار ٹورنامنٹ کے 16ویں سیزن میں ہندوستانی ٹیم کی قیادت کریں گے۔ ساتھ ہی نائب کپتانی کی ذمہ داری ہاردک پانڈیا کے کندھوں پر ڈال دی گئی ہے۔ کئی کھلاڑیوں کو ٹیم میں حیران کن جگہ ملی ہے۔ اس کے ساتھ ہی کچھ کھلاڑی جو جگہ بنانے کے مضبوط دعویدار تھے ،انہیں مایوسی ہاتھ لگی ہے۔ہندوستانی اسکواڈ کے اعلان کے بعد جب ٹیم انڈیا کے سابق تجربہ کار کرکٹر سنیل گواسکر سے اس بارے میں بات کی گئی تو انہوں نے کھل کر جواب دیا ہے۔ اس دوران ایک ویڈیو سوشل میڈیا پر خوب وائرل ہو رہا ہے۔دراصل آج تک پر جب اینکر نے ان سے روی چندرن اشون کے بارے میں سوال کیا تو وہ تھوڑا بھڑک گئے۔ انہوں نے کہا کہ جب بھی ٹیم منتخب ہوتی ہے تو یہ باتیں ہونے لگتی ہیں کہ انہیں منتخب نہیں کیا گیا تو انہیں منتخب نہیں کیا گیا۔ تنازعہ ہمیشہ ہی بنا رہتا ہے۔