TAASIR NEWS NETWORK- SYED M HASSAN –31 AUG
بالی ووڈ کے کنگ کہلائے جانے والے شاہ رخ خان ان دنوں اپنی آنے والی فلم ‘جوان’ کو لے کر کافی پرجوش ہیں۔ ان کی فلم ریلیز ہونے میں صرف چند دن باقی ہیں۔ شاہ رخ نے ‘جوان’ کی تشہیر کے لیے چنئی میں ایک شاندار تقریب کا اہتمام کیا۔ اس تقریب میں شاہ رخ کے ہزاروں مداح موجود تھے۔ شاہ رخ خان جب بھی کسی بھی تقریب میں جاتے ہیں تو دھوم مچا دیتے ہیں۔ اس پروگرام میں بھی کچھ ایسا ہی ہوا ہے۔
شاہ رخ خان نے چنئی میں منعقدہ تقریب میں زبردست ڈانس کیا جس کی کئی ویڈیوز سوشل میڈیا پر وائرل ہو گئے ہیں۔ ان میں سے ایک ویڈیو میں شاہ رخ اسٹیج پر ڈانس کرتے نظر آ رہے ہیں۔ اس کے بعد وہ ‘جوان’ کے ‘زندہ بندہ’ کے تمل ورژن میں اسٹیج پر دھمال مچاتے ہوئے دیکھے گئے ۔ اس بار پروگرام کے ہوسٹ بھی ان کے ساتھ ڈانس کرتے نظر آ رہے ہیں۔ شاہ رخ کے دھمال ڈانس نے تقریب کا ماحول ہی بدل دیا۔
اس کے علاوہ شاہ رخ کی ایک اور ویڈیو وائرل ہو رہی ہے جس میں وہ اپنی فلم چنئی ایکسپریس کے گانے ‘ون ٹو تھری فور’ پر ڈانس کرتے نظر آ رہے ہیں۔ کنگ خان کے مداحوں نے اس ویڈیو کو سوشل میڈیا پر کافی پسند کیا ہے۔ اس تقریب کا اہتمام سری سائرام کالج آف انجینئرنگ، چنئی میں کیا گیا تھا۔ اس موقع پر شاہ رخ کے ساتھ ڈائریکٹر ایٹلی، ساؤتھ سپر اسٹار وجے سیتھوپتی، سنیل گروور جیسے ستاروں نے بھی شرکت کی۔
چنئی کے بعد اب دبئی میں بھی پروگرام کا انعقاد کیا گیا ہے۔ اس موقع پر شاہ رخ خان برج خلیفہ پر پرفارم کریں گے۔ ساتھ ہی ‘جوان’ کا ٹریلر بھی ریلیز کیا جائے گا۔ مداحوں کو کافی عرصے سے ‘جوان’ کے ٹریلر کا انتظار تھا۔ بہرحال یہ فلم 7 ستمبر کو ریلیز ہو رہی ہے۔ پہلی بار شاہ رخ ساوتھ کی اداکارہ نین تارا کے ساتھ جوڑی بناتے نظر آئیں گے۔ اداکارہ دیپیکا پدوکون بھی فلم میں کیمیو کرتی نظر آئیں گی۔