TAASIR NEWS NETWORK- SYED M HASSAN -19 SEPT
واشنگٹن، 19 ستمبر:امریکہ کے جنوبی ملک پیرو میں ایک افسوسناک حادثہ پیش آیا، جب مسافروں سے بھری ایک بس پہاڑی سے نیچے کھائی میں گر گئی، جس کے باعث 24 افراد اپنی زندگیوں سے محروم ہوگئے۔ رپورٹ کے مطابق افسوسناک حادثے کے باعث 35 افراد کے زخمی ہونے کی اطلاعات بھی سامنے آرہی ہیں۔سرکاری حکام کا اس حوالے سے کہنا ہے کہ اندیس کی پہاڑیوں سے گزرنے کے دوران ہویانیایو سے ہوانٹا جانے والی بس بے قابو ہو کر اچانک 200 میٹر گہری کھائی میں گر گئی۔حادثے کے فوری بعد حکام کی جانب سے امدادی سرگرمیوں کا آغاز کردیا گیا، طبی عملے کو بھی جائے حادثہ پر روانہ کردیا گیا ہے، ریسکیو حکام کا کہنا ہے کہ مرنے والوں میں 2 بچے بھی شامل ہیں۔واضح رہے کہ گزشتہ ماہ بھی اسی علاقے میں ایک ٹریفک حادثہ رونما ہوا تھا، جس کے سب 13 افراد اپنی زندگیوں سے محروم ہوگئے تھے۔