بیچ سڑک پر جلی بائک ، ڈیوائیڈر سے ٹکرانے کے بعد لگی آگ

TAASIR NEWS NETWORK  UPDATED BY- S M HASSAN -29 SEPT  

بہار شریف29ستمبر (محمد دانش)نالندہ میں سڑک کے بیچوں بیچ ایک بائک جل گئی۔ آگ لگنے کے بعد بائک پر سوار براکر گائوں باشندہ محمد فرحان نے کسی طرح اپنی جان بچائی۔ یہ واقعہ سلاؤ تھانہ علاقہ کے بہار شریف-راجگیر بائی پاس پر پیش آیا۔بتایا جا رہا ہے کہ موٹر سائیکل سوار محمد فرحان کسی کام سے بہار شریف گیا ہوا تھا۔ گھر واپسی کے دوران پلس ٹو باپو ہائی اسکول کے قریب سڑک پار کار رہے نوجوان کو بچانے کی کوشش کے دوران بائک ڈیوائیڈر سے ٹکرا گئی۔ جس کے بعد موٹر سائیکل میں آگ لگ گئی۔ کسی طرح محمد فرحان کی جان بچ گئی۔ واقعہ کے بعد موقع پر لوگوں کی بھیڑ جمع ہوگئی۔ اس معاملے کی اطلاع مقامی پولیس کو دی گئی۔ اس دوران موقع پر موجود بھیڑ آگ بجھانے کے بجائے اپنے موبائل پر ویڈیو بنانے میں مصروف رہے۔موٹر سائیکل میں آگ لگنے کے بعد کچھ دیر کے لیے موقع پر افراتفری کا ماحول رہا۔