TAASIR NEWS NETWORK- SYED M HASSAN -09 SEPT
رانچی ، 9 ستمبر: بنکاک میں منعقدہ تھائی لینڈ اوپن کراٹے چمپئن شپ میں ہندوستان اور جھارکھنڈ کا وقار بلند ہوا ہے۔ ہندوستانی کراٹے ٹیم میں شامل جھارکھنڈ کے دو کھلاڑیوں نے اپنی شاندار کارکردگی سے کانسہ کا تمغہ حاصل کیا ہے۔ ایلیسن روپل کھاکھا نے جمعہ کو کانسہ کا تمغہ جیتا تھا۔ ایلیسن کے بعد کاجل کوجور نے بھی ہفتہ کو کانسہ کا تمغہ جیتا۔
کاجل کوجور نے 14 سال سے کم عمر کے گروپ اور 52 کلوگرام سے کم وزن کے زمرے میں دو ممالک (فلپائن اور تھائی لینڈ) کے کھلاڑیوں کو شکست دے کر سیمی فائنل راؤنڈ میں جگہ بنائی تھی لیکن سیمی فائنل میں بھارت کو ملائیشیا کے ہاتھوں شکست کا سامنا کرنا پڑا۔
کاجل کے کانسہ کا تمغہ جیتنے کے بعد ہندوستانی کراٹے ٹیم میں خوشی کی لہر دوڑ گئی ہے۔ ورلڈ کراٹے ایسوسی ایشن ٹیکنیکل کمیٹی کے رکن ہانشی بھارت شرما ، کراٹے انڈیا آرگنائزیشن کے صدر شیہان وجے تیواری ، جنرل سکریٹری شیہان سنجیو جانگڑا ، انٹرنیشنل مارشل آرٹس اکیڈمی آئی ایم اے کے صدر سینسی انل کسپوٹا ، سکریٹری موہنی ریتیکا ٹوپو ، راکیش ٹرکی دیگر کھلاڑیوں نے کاجل کو مبارکباد دی ہے۔