TAASIR NEWS NETWORK- SYED M HASSAN –11 SEPT
نئی دہلی،11ستمبر: دہلی کے نریلا انڈسٹریل ایریا میں آج علی الصبح ایک فیکٹری میں آگ لگ گئی۔ آگ اتنی شدید تھی کہ اس کے شعلوں نے آس پاس کے علاقے کو اپنی لپیٹ میں لے لیا۔ فائر ڈیپارٹمنٹ کو آج صبح 6.10 بجے آگ لگنے کی اطلاع دی گئی۔ اطلاع ملتے ہی فائر بریگیڈ کی 12 گاڑیاں موقع پر پہنچ گئیں۔ آگ بجھانے کی کوششیں تاحال جاری ہیں۔ جس فیکٹری میں آگ لگی وہاں پلاسٹک کے دانے بنائے جاتے ہیں۔ راحت کی بات یہ ہے کہ اس واقعے میں ابھی تک کسی جانی نقصان کی کوئی اطلاع سامنے نہیں آئی ہے، فیکٹری میں آگ لگنے کی وجہ تاحال سامنے نہیں آسکی ہے۔ فائر ڈیپارٹمنٹ آگ پر قابو پانے کی ہر ممکن کوشش کر رہا ہے۔ آگ لگنے سے ہر طرف دھواں پھیل گیا ہے اور لوگوں میں خوف و ہراس کا ماحول ہے۔ آپ کو بتاتے چلیں کہ یہ پہلی بار نہیں ہے کہ نریلا انڈسٹریل ایریا میں کسی فیکٹری میں آگ لگنے کا واقعہ سامنے آیا ہے۔ اسی طرح کا معاملہ مئی کے مہینے میں بھی سامنے آیا تھا۔ اس وقت جوتوں کی فیکٹری میں آگ لگ گئی۔نومبر 2022 میں بھی نریلا میں آگ لگنے کا ایک ہولناک واقعہ سامنے آیا تھا۔ وہاں جوتوں کی فیکٹری میں زبردست آگ لگ گئی۔ اچانک شارٹ سرکٹ کی وجہ سے صبح سے ہی کہرام مچ گیا۔ اس واقعے میں 20 سے زائد افراد زخمی ہوئے تھے۔ آگ لگنے کے وقت فیکٹری میں 300 ملازمین موجود تھے۔ سب کو سیڑھیوں سے نیچے لایا گیا۔تمام ملازمین کی جان بچانے کے لیے فائر بریگیڈ کو کافی کوششیں کرنا پڑیں۔