TAASIR NEWS NETWORK UPDATED BY- S M HASSAN -26 SEPT
پٹنہ، 26 ستمبر: بہار کے پٹنہ میں پیشاب معاملے میں پولیس نے بڑی کارروائی کی ہے۔ پولیس نے کلیدی ملزم کو گرفتار کر لیا ہے۔ جس کی شناخت پرمود سنگھ کے طور پر ہوئی ہے۔ پرمود کو منگل کی صبح خسرو پور بلاک کے قریب سے گرفتار کیا گیا۔ اس کے علاوہ پرمود کے بیٹے سمیت 4 ملزمین ابھی تک مفرور ہیں۔ ایس پی سید عمران مسعود نے اس کارروائی کی معلومات دی دی۔
معلومات دیتے ہوئے ایس پی نے بتایا کہ ملزم سے پوچھ گچھ کی گئی ہے ، جس میں پرمود یادو نے حملہ کرنے کا اعتراف کیا ہے۔ انہوں نے بتایا کہ خاتون کے پاس 15 ہزار روپے کی رقم بقایا ہے۔ اس حوالے سے جھگڑا ہوا لیکن خاتون نے 1500 روپے کہا تھا۔ تاہم ابھی تک پیشاب کی تصدیق نہیں ہوئی اور نہ ہی ملزم نے اس قسم کے بارے میں کچھ کہا ہے۔
ذرائع نے انکشاف کیا کہ گرفتار پرمود سود پر قرض دینے میں ملوث تھا۔ متاثرہ خاتون نے ایک لاکھ روپے کا قرض بھی لیا تھا۔ بتایا جا رہا ہے کہ یہ واقعہ قرض کے تنازعہ کی وجہ سے انجام دیا گیا ہے ، جس کے مرکزی ملزم پرمود کو گرفتار کر لیا گیا ہے۔ پرمود کے بیٹے انشو سمیت چار ملزمین فرار ہیں ، ان کی گرفتاری کے لیے چھا پہ ماری کی جارہی ہے۔
واضح ہو کہ یہ واقعہ 23 ستمبر کو پیش ا?یا تھا۔ الزام ہے کہ ہفتہ کی رات تقریباً 10 بجے بدمعاشوں نے گھر میں گھس کر خاتون کے ساتھ مارپیٹ کی۔ بتایا جا رہا ہے کہ خاتون کو برہنہ کر کے پیٹا گیا اور اس کے منہ میں پیشاب کرنے کا معاملہ بھی سامنے ا?یا تاہم پولیس اس کی تصدیق نہیں کر رہی ہے۔ اس کی تفتیش سب ڈویزنل پولیس افسر سیارام یادو کو سونپی گئی تھی۔ دوران تفتیش پولیس نے ایک ملزم کو گرفتار کر لیا۔ دفعہ 341، 323، 325، 307، 354، 504، 506، 34 اور ایس سی-ایس ٹی ایکٹ کے تحت مقدمہ درج کیا گیا۔