تاثیر،۸ اکتوبر۲۰۲۳:- ایس -ایم-حسن
نئی دہلی، 08 اکتوبر: بھارتی اداکارہ نصرت بھروچا اسرائیل میں مکمل طور پر محفوظ ہیں۔ ان کی ٹیم ان سے رابطہ کرنے میں کامیاب رہی ۔ ہندوستانی سفارت خانے کی مدد سے انہیں وطن واپس لایا جا رہا ہے۔ نصرت کی ٹیم کی اہم رکن سنچیتا ترویدی نے کچھ عرصہ قبل میڈیا کو یہ معلومات دی۔
سنچیتا نے کہا ہے کہ ہندوستانی سفارت خانے کی مدد سے انہیں بحفاظت وطن واپس لایا جا رہا ہے۔ وہ مکمل طور پر محفوظ ہیں اور ہندوستان واپس آرہی ہیں ۔ اس سے قبل ان کی ٹیم نے ایک بیان جاری کیا تھا جس میں کہا گیا تھا کہ اسرائیل میں حماس کے حملے کے درمیان ہمارا بھارتی اداکارہ نصرت بھروچا سے رابطہ منقطع ہو گیا ہے۔ 38 سالہ اداکارہ نصرت کی ٹیم نے ممبئی میں اس حوالے سے بیان جاری کرکے تشویش کا اظہار کیا تھا۔