تاثیر،۲۶ اکتوبر۲۰۲۳:- ایس -ایم- حسن
رائے بریلی، 26 اکتوبر: رائے بریلی ضلع کے شیوگڑھ تھانہ علاقہ میں پٹاخہ بناتے وقت ایک گھر میں دھماکہ ہو گیا۔ اس واقعے میں دو خواتین اور ایک نوجوان سمیت چار افراد شدید طور پر جھلس گئے۔ ان کو اسپتال میں داخل کروایا گیا ہے۔ پولیس معاملہ کی تحقیقات کر رہی ہے۔
شیو گڑھ تھانہ علاقے کے سیوان کی رہائشی غریبہ بدھ کی دیر رات دیوالی میں فروخت کرنے کے لیے اپنے گھر میں بارود سے گولے بنا رہی تھی۔ اسی وقت اچانک دھماکہ ہو گیا۔ دھماکہ اتنا زور دار تھا کہ دیوار بھی گر گئی۔ دھماکہ کی وجہ سے قریب بیٹھی غریبہ، بہو مہجبی اور پوتی عالیہ، محمد وسیم سمیت چار افراد شدید جھلس گئے۔ ان تمام کو کمیونٹی ہیلتھ سینٹر لے جایا گیا۔ حادثہ کے سلسلہ میں تھانہ صدر اروند سنگھ نے بتایا کہ تحقیقات کی جا رہی ہیں۔ تمام زخمی اسپتال میں زیر علاج ہیں۔