تاثیر،۴ اکتوبر۲۰۲۳:- ایس -ایم-حسن
بالی ووڈ کنگ شاہ رخ خان کی فلم ’’سودیش‘‘ سے بالی ووڈ میں ڈیبیو کرنے والی اداکارہ گایتری جوشی اٹلی میں کار حادثے کا شکار ہوگئیں۔ واقعہ کے وقت گایتری جوشی اپنے شوہر وکاس اوبرائے کے ساتھ لیمبورگینی کار میں سفر کر رہی تھیں۔ دونوں حادثے سے بال بال بچ گئے۔ تاہم فراری کار میں سفر کرنے والا ایک سوئس جوڑا جس سے ان کی ٹکر ہوئی وہ موقع پر ہی ہلاک ہو گیا۔ پولیس نے موقع پر پہنچ کر پورے معاملے کی چھان بین کرتے ہوئے مزید کارروائی شروع کر دی۔
میڈیا رپورٹس کے مطابق اداکارہ گایتری جوشی اور ان کے شوہر وکاس اوبرائے نے لگڑری کار ریس میں حصہ لیا۔ واقعے کے وقت ان کی لیمبورگینی کار کے پیچھے کئی دوسری لگڑری کاریں چل رہی تھیں۔ اس دوران منی ٹرک کو اوورٹیک کرتے ہوئے گایتری اور وکاس کی کار آگے بڑھنے والی فراری سے ٹکرا گئی۔ اس حادثے میں فراری کار آگے بڑھنے والے ٹرک سے ٹکرا گئی اور ٹرک الٹ گیا۔ ٹرک کے الٹتے ہی فراری میں آگ لگ گئی۔ حادثہ اٹلی کے علاقے سارڈینیا میں پیش آیا۔
اس سنگین اور انتہائی دردناک حادثے کے بعد اداکارہ گایتری نے مقامی میڈیا سے بات کی۔ انہوں نے اس حادثے کے بارے میں بھی جانکاری دی۔ گایتری کے مطابق وہ اپنے شوہر وکاس کے ساتھ اٹلی جارہی تھی۔ دونوں اس حادثے میں بال بال بچ گئے۔ تاہم انہوں نے اس حادثے پر گہرے دکھ کا اظہار کیا ہے۔ گایتری جوشی کئی سالوں سے فلموں اور بالی ووڈ سے دور ہیں۔ اوبرائے کنسٹرکشن کے منیجنگ ڈائریکٹر وکاس اوبرائے کے ساتھ شادی کے بعد وہ اپنی سماجی زندگی پر توجہ دے رہی ہیں۔ اوبرائے کنسٹرکشن ہندوستان کی سب سے بڑی رئیل اسٹیٹ کمپنیوں میں سے ایک ہے۔ پولیس اب مذکورہ حادثہ کیس میں مزید کارروائی کررہی ہے۔