تاثیر،۳ اکتوبر۲۰۲۳:- ایس -ایم-حسن
بہار شریف3 اکتوبر (محمد دانش)نالندہ میں ایک نوجوان نے پھانسی لگا کر خودکشی کرلی۔ یہ واقعہ گوکھول پور او پی کے تحت گوکھول پور گاؤں میں پیش آیا۔ مرنے والے کی شناخت راجو مانجھی کا (32) سالہ بیٹاشیلیندر مانجھی کے طور پر کی گئی ہے۔واقعہ کے حوالے سے متوفی کے بھائی نے بتایا کہ گزشتہ رات میاں بیوی کے درمیان کسی بات پر جھگڑا ہوا۔ دونوں میں گزشتہ ایک ہفتے سے لڑائی چل رہی تھی۔ اس کے بعد بیوی گھر سے چلی گئی۔ وہیں دیر تک گھر کا دروازہ نہ کھلنے پر انہیں شک ہوا۔ اس کے بعد جب اس نے کھڑکی سے دیکھا تو دیکھا کہ نوجوان پھندے سے لٹکا ہوا ہے، اس معاملے کی اطلاع فوری طور پر مقامی پولیس کو دی گئی۔ پولیس موقع پر پہنچ کر لاش کو پھندے سے نیچے کیا۔ لاش کو پوسٹمارٹم کے لئے صدر اسپتال بھیج دیا گیا ۔ معاملے کی چھان بین شروع کر دی گئی ہے ۔