تاثیر،۲۰ اکتوبر۲۰۲۳:- ایس -ایم- حسن
نئی دہلی ، 20 اکتوبر: ہندوستانی کرکٹ ٹیم کے نائب کپتان ہاردک پانڈیا 22 اکتوبر کو نیوزی لینڈ کے خلاف دھرم شالہ میں ہونے والے ورلڈ کپ میچ کا حصہ نہیں ہوں گے۔ پونے کے مہاراشٹر کرکٹ ایسوسی ایشن اسٹیڈیم میں بنگلہ دیش کے خلاف میچ کے دوران اپنی ہی گیند بازی پر فیلڈنگ کرتے ہوئے ہاردک کو بائیں ٹخنے کی چوٹ لگی تھی۔بورڈ آف کنٹرول فار کرکٹ ان انڈیا (بی سی سی آئی) نے جمعہ کو ایک سرکاری بیان میں کہا’ آل راؤنڈر کو اسکین کے لیے لے جایا گیا تھا اور انہیں آرام کا مشورہ دیا گیا ہے۔ ‘وہ بی سی سی آئی کی میڈیکل ٹیم کی مسلسل نگرانی میں رہے گا ، 20 اکتوبر کو ٹیم کے ساتھ دھرم شالہ نہیں جائے گا اور اب وہ براہ راست لکھنؤ میں ٹیم میں شامل ہو جائے گا جہاں ہندوستان انگلینڈ کے خلاف کھیلے گا۔