تاثیر،۱۵ اکتوبر۲۰۲۳:- ایس -ایم- حسن
نئی دہلی ،15اکتوبر:ٹیم انڈیا کے معروف تیز گیند باز محمد سراج نے ورلڈ کپ جیسے بڑے ایونٹ میں کھیلنے کو لے کر بڑا ردعمل دیا ہے۔ سراج کے مطابق انہوں نے کبھی خواب میں بھی نہیں سوچا تھا کہ وہ ورلڈ کپ جیسے بڑے ایونٹ میں کھیلیں گے۔ سراج نے کہا کہ وہ ایک بہت ہی عام پس منظر سے آتے ہیں اور اسی لیے انہیں اس سطح تک پہنچنے کی امید نہیں تھی۔
اگر ہم محمد سراج کی بات کریں تو انہوں نے آئی پی ایل کے ذریعے اپنا نام کمایا تھا اور وہاں اچھی کارکردگی دکھانے کے بعد وہ ہندوستانی ٹیم میں بھی آگئے تھے۔ سراج ایک طویل عرصے سے ہندوستانی ٹیم کے لیے مسلسل کھیل رہے ہیں اور اب وہ ورلڈ کپ ٹیم کا بھی حصہ ہیں۔ پاکستان کے خلاف میچ میں محمد سراج نے عمدہ بولنگ کی اور 8 اوورز میں 50 رنز دے کر 2 وکٹیں حاصل کیں۔
میچ کے بعد پریس کانفرنس کے دوران محمد سراج نے ورلڈ کپ جیسے بڑے ایونٹ میں کھیلنے پر ردعمل کا اظہار کیا۔ انہوں نے کہا کہسچ پوچھیں تو میں نے کبھی سوچا بھی نہیں تھا کہ میں ورلڈ کپ میں کھیلوں گا، کیونکہ میں بہت عام پس منظر سے آتا ہوں۔ تاہم اب میں کھیل رہا ہوں اور یہ میرے لیے ایک بڑی کامیابی ہے۔ ہم نے ہمیشہ سنا ہے کہ پاک بھارت میچ ہمیشہ دباؤ سے بھرا ہوتا ہے۔ آج میں نے محسوس کیا اور دیکھا بھی۔
آپ کو بتاتے چلیں کہ ہندوستانی کرکٹ ٹیم نے ورلڈ کپ 2023 کے احمد آباد میں کھیلے گئے میچ میں پاکستان کو 7 وکٹوں سے بری طرح شکست دی تھی۔ پاکستان کی ٹیم پہلے بیٹنگ کرتے ہوئے 42.5 اوورز میں صرف 191 رنز تک محدود رہی۔ جواب میں بھارتی ٹیم نے یہ ہدف 30.3 اوورز میں صرف 3 وکٹوں کے نقصان پر حاصل کر لیا۔ جسپریت بمراہ نے ٹیم انڈیا کے لیے گیند بازی میں شاندار کارکردگی کا مظاہرہ کیا اور 7 اوور میں صرف 19 رن دے کر 2 وکٹ لیے۔