تاثیر،۱۸ اکتوبر۲۰۲۳:- ایس -ایم- حسن
نئی دہلی، 18 اکتوبر : پٹیل نگر کی نئی تعمیر کے سلسلے میں آج ایک اور تاریخی آغاز ہوا۔ برسوں سے علاقائی عوام کی طرف سے اٹھائے گئے مطالبہ کو پورا کرنے کی طرف ایک قدم اٹھاتے ہوئے آج نہرو نگر سبزی منڈی روڈ کی نئی تعمیر کا افتتاح کیا گیا۔ اس سے پہلے فرید پوری ٹوائلٹ سے ہولی چوک تک سڑک رامجس وال سے ہوتی ہوئی اورآر ایم سی روڈ (تھان سنگھ نگر) کا بھی افتتاح کیا گیا اور اسے علاقے کے لوگوں کے لیے وقف کیا گیا۔ ان سڑکوں کی نئی تعمیر ایس سی-ایس ٹی فنڈ اور ایم ایل اے فنڈ سے ہو رہی ہے۔یہ کام علاقائی عوام کے مطالبے پر کیا جا رہا ہے۔ ان گلیوں اور سڑکوں کی نئی تعمیر سے علاقے کے لوگوں کو ریلیف ملے گا اور آنے جانے کی مشکلات سے بھی نجات ملے گی۔ان دونوں کاموں کے ساتھ پٹیل نگر کے لوگوں کو آسان اور ہموار نظام فراہم کرنے کے عزم کو پورا کرنے کی طرف ایک اور قدم اٹھایا گیا ہے۔ افتتاح کرتے ہوئے، کابینہ کے وزیر اور علاقائی ایم ایل اے راج کمار آنند نے کہا “کیجریوال حکومت دہلی کے ہر علاقے کو خوبصورت اور صاف ستھرا بنانے کے لیے کام کر رہی ہے۔ دہلی کو نمبر ون بنانے کے لیے دن رات کام کر رہے ہیں۔آنے والے دنوں میں پٹیل نگر علاقہ میں بھی کئی افتتاح کئے جائیں گے جو عوام کے مطالبے پر درج کئے گئے ہیں۔