تاثیر،۲۱ اکتوبر۲۰۲۳:- ایس -ایم- حسن
نئی دہلی،21؍اکتوبر،: گریٹر نوئیڈا میں یمنا ایکسپریس وے پر 25 کلومیٹر کے فاصلے پر مائل اسٹون کے قریب ایک دردناک سڑک حادثہ پیش آیا۔ یہاں ایکو کار نامعلوم گاڑی سے ٹکرا گئی۔ اس واقعے میں کار میں سوار آٹھ میں سے پانچ افراد کی موقع پر ہی موت ہو گئی۔ اس کے ساتھ ہی تین بچے زخمی ہوئے ہیں۔ سڑک حادثہ کی اطلاع ملتے ہی کوتوالی ربوپورہ پولیس اور ریسکیو ٹیم موقع پر پہنچ گئی۔ جس کے بعد پولیس ٹیم نے اس حادثے میں جان گنوانے والے پانچوں افراد کی لاشوں کو پوسٹ مارٹم کے لیے بھیج دیا۔اس کے ساتھ ہی تین زخمی بچوں کو گاڑی سے نکال کر کیلاش اسپتال میں داخل کرایا گیا ہے، جہاں وہ زندگی اور موت کے درمیان جنگ لڑ رہے ہیں۔ پولیس نے حادثے کی وجوہات کی تحقیقات شروع کر دی ہیں۔یمنا ایکسپریس وے پر ہونے والے حادثے کی تصویریں اس قدر ہولناک اور دردناک ہیں کہ کسی کو بھی پریشان کر سکتی ہیں۔ ڈی سی پی زون 3 سعد میاں خان نے بتایا کہ ایکو کار میں ایک ہی خاندان کے اوپیندر بیتھا، بیجندر بیتھا، کانتی دیوی، کوی جیوتی، سریش، سورج اور آرین سفر کر رہے تھے۔ یہ لوگ دہلی سے جھارکھنڈ جا رہے تھے۔ اسی دوران 25 کلومیٹر دور مائل سٹون کے قریب نامعلوم گاڑی نے ان کی کار کو ٹکر مار دی۔ پولیس نے بتایا کہ یہ واقعہ ربوپورہ تھانہ علاقہ کے تحت یمنا ایکسپریس وے پر صبح تقریباً ایک بجے پیش آیا۔اس ہولناک حادثے میں کار میں سوار اوپیندر بیتھا، بیجیندر بیتھا، کانتی دیوی، کو، جیوتی کی موقع پر ہی موت ہو گئی، جب کہ سریش، سورج اور آرین شدید زخمی ہو گئے۔ جس کے بعد اسے علاج کے لیے کیلاش اسپتال میں داخل کرایا گیا ہے۔تاہم یہ معلوم نہیں ہوسکا کہ اس خوفناک سڑک حادثے کی وجہ کیا ہے۔ پولیس فی الحال اس معاملے کی تحقیقات کر رہی ہے۔